荔鏡記 · 第四十齣 公人過渡

【卒地當】 （丑外）批文緊急力私情，連冥透暗也著行。走到只處腳又痛，陳三、五娘不見影。 兄弟啞，只是赤水溪，溪水緊，惡得過。 （外）都有一隻渡船仔（渡舡仔）在許上過來。 （丑外叫介）船（舡）載阮過赤水。 （末白介）兄弟莫了踏破阮船（舡）。 （丑）快快載我過去。 （淨）兄弟啞，搭舡須用錢，有錢也無? （丑）阮有錢。早起有丈夫共一孜娘，又有一孜娘簡仔過去啞無？ （末）有，三人過去了，伊分付甲阮莫得說。 （丑）去有若久？ （末）恁問伊卜做乜？ （丑）伊三人是相★(上毛下火)走，阮是官司差卜去力伊。 （末）向說，即在只前頭去。 （介）只船（舡）載恁過溪邊，阮也不收恁船（舡）錢。 （外）恁乜事不收錢？ （末）恁是公差人，收恁錢討自吊。 （外）阮今憑你說下落，若卜不見，你著纏。 （並下）