一曲難忘 · ➣ 南北一家親

人物 張三波 張太太——張妻 張清文——張子 張佩明——張女 李四寶 李太太——李妻 李曼玲——李女 李煥襄——李子 馬正倫 小吳——領班 三號——侍役 王先生——顧客 趙太太——士多老闆娘 阿馮——水果攤老闆 明仔——抹車青年 蛇仔——抹車青年 光仔——擦鞋童 喜娘 張家女傭 李家女傭 神父 第一場 景：南興酒家 時：日 人：張三波，李四寶，李友甲、乙、丙，顧客，侍役 F.I. （南興酒家招牌。 （店內——張三波穿唐裝周旋於顧客間。 （李四寶與三友同餐，張巡視來至李身旁。） 李：（向張捻食指拇指）開賬單。 （張聞聲回頭。） 李：（見張無反應，不耐煩地向自己搖了搖頭，說生硬的廣東話）埋單，埋單。 友甲：噯！四寶兄，今兒不能讓你請客。 李：噯，今兒是我的小東道。 （張送賬單來，四人均搶付。 （李與三友同時：「我來，我來。」） 李：（一把撳住賬單一面摸口袋一面研究）什麼，蚝油鮑魚要十二塊？ 張：（不大懂）你話乜嘢？ 李：我說蚝油鮑魚要十二塊太貴了。 張：（明白狀）你話鮑魚貴？十二文唔系貴呀，呢啲系網鮑嚟。 李：你別欺負我外行。告訴你，我也開過飯館。 張：你……乜你都系行家？ 友甲：這位李先生在北方開過大飯館的。 友乙：是京菜業權威！ 李：（神氣）你騙得了別人騙不了我。 張：（作不屑狀）仲搞到騙佢添，你知唔知而家網鮑幾多錢一斤呀？ 李：這麼薄薄的幾片鮑魚，不到四兩重，就算再貴也不用十二塊。 張：費事曬氣，我地呢度啲菜單含白冷有價錢寫住嘅，如果嫌貴你可以唔食呀，而家食完至話貴咁就冇辦法咯，又唔系我叫你食嘅。 李：咦！你這人說話怎麼這麼不客氣？ 友甲：噯！這夥計態度不好。 友乙：太不客氣，廣東人就是這麼不講理。 李：（更神氣）我不跟你多說，叫你們老闆來。 （張愕然，李以為張怕——啞場片刻。） 李：（見張不動）快去叫你們老闆來。 張：我就系老闆喇！ （李與三友不禁一呆。） 李：你就是老闆？ 張：失禮。 李：你當老闆的對客人這麼不客氣？ 張：系咁嘅喇，如果你想搵間酒家啲價錢又平，招呼又周到，樣樣都合心水嘅，除非你自己去開間喇。 李：（氣極，拍桌）好，我就開一間給你看。 O.P. 第二場 景：酒家連街道 時：日 人：張、李、工頭、裝修工人、侍役、路人、顧客 C.I. （北順樓開始裝修，李四寶與工頭們指手劃腳，鏡頭拉開見南興酒家就在隔鄰，張三波見狀冷笑。） Diss. （北順樓內部裝修。） Diss. （北順樓繼續裝修，張、李二人在店外碰頭互作仇視狀。） Diss. （北順樓已裝修完畢，二人安上「北順樓」招牌。） Diss. （北順樓開幕燃放爆仗。 （以上畫面全部疊印片頭字幕。） F.O. 第三場 景：酒家連街道 時：日 人：張、李、小吳、過客男女、小孩、路人、顧客、侍役 F.I. （北順樓門前豎立招牌板：「正宗京菜，全港第一」，另加英文「歡迎遊客」等，門頭上掛一紙剪大蟹與「蟹」字。 （一對男女過客攜三孩看櫥窗內所貼菜單。 （窗內露出李焦急的臉。 （領班小吳急忙拉開門欲招呼，男女過客不顧而去。 （李忍不住跟出，看他們究往何處。 （男女過客走向南興，張拉門迎客。 （李、吳眼睜睜望著。 （二客攜孩子入南興，張向李一笑跟入。 （李刺激。） 李：好小子，咱們走著瞧。 吳：李老闆，您別著急，咱們剛開張才幾天，生意還沒做開。 李：今兒午市才賣三桌。 吳：我的一幫老客人還不知道我轉到您這兒來，改天我想法子通知他們一聲，我小吳這點面子還有。 李：那就瞧你的啦，小吳。 吳：您放心，包在我身上。（同入） D.O. 第四場 景：南興酒家內 時：日 人：張、馬正倫、顧客、夥計 D.I. （張與馬正倫對坐。） 張：呢張咁嘅菜單，計你百二銀一圍真系可以講得平通港九。 馬：喂，舊年百一銀一圍啫噃。 張：舊年又點同呢，今年啲嘢貴咗。你放心啦，老友上頭，仲會計多嘅咩，而且你地公司年年開聯歡會都幫襯我嘅，老實講，計多你連我自己都唔好意思。 馬：咁呀，好啦，我攞呢張菜單番公司俾佢地睇嚇先。 張：（捧馬）其實都系你揸主意嘅啫，我諗都冇乜問題嘅。 馬：咁就系，不過循例都系要俾佢地睇嚇，你預備定啲嘢啦。 張：好好，照舊年一樣二十圍吖嗎？ 馬：系啦，二十圍。 （馬告辭，張送馬出。） C.O. 第五場 景：酒家連街道 時：日 人：張、馬、吳、路人 C.I. （南興酒家外，張送馬出。 （馬行經北順，吳在門內瞥見趕出。） 吳：馬先生。 馬：咦！小吳！ （張正欲回店，見狀詫異。） 馬：怎麼？你到這兒來做啦。 吳：這兒新開張，叫我來幫忙。來來來，進去坐會兒，吃點點心，我請客。（拉馬入） （張疑，來至北順門外張望。） C.O. 第六場 景：北順樓內 時：日 人：李、張、吳、馬、客人、侍者 C.I. （北順樓內——吳拉馬來至李處。） 吳：馬先生，這是我們的李老闆。 馬/李：（同時拖長聲高叫）咦……！（互拍肩背） 馬：好久不見了。 李：坐坐坐。 馬：這兒是你開的？ 李：小生意。 吳：你們二位認識的？ 李：老朋友咯！ 馬：幾時到香港來的？ 李：來了十幾年啦，你一向在哪兒得意？ 馬：沒出息，還是在美亞。 （吳奉上菜牌，李逼馬叫點心。 （店外——張懷疑，逗留，終回店，仍不放心，頻頻四顧。） （北順店內） 李：你在隔壁南興吃飯？ 馬：不是，有公事。 李：什麼公事？ （吳送上點心。） 馬：我們公司有個聯歡會，每年都包給南興的，公司派我去訂菜。 李：聯歡會？（與吳互看一眼）有多少桌？ 馬：二十桌。 李：二十桌！？（起意）他們那邊地方小，擠得下嗎？ 吳：（急附和）噯，那麼小地方擺二十桌酒？ 李：（搶過馬手中單子）菜單給我看看行不行？ （馬還沒有來得及答話，菜單已在李手中。） 吳：馬先生，請請，（讓吃點心）趁熱吃。 （馬應接不暇，李、吳同看菜單，交換眼色。） 李：（拍桌）廣東人做生意我實在佩服佩服！ 馬：（嚇一跳）怎麼了？ 李：一百二十塊一桌的廣東菜，連鮑翅都沒有？ 吳：（一吹一唱）也沒有乳豬！ 李：用最便宜的材料。 吳：開你最貴的價錢。 李：二十桌酒起碼賺你個對本對利。 馬：真的？ 李：你不信，我讓小吳開一張我們一百二一桌的菜給你看看。——小吳，去開一張給馬先生看看。 吳：是！（出） （馬望住小吳走，有阻止之意。李急對馬說。） 李：請，請，蟹黃包子冷了不好吃。 （馬應聲舉筷。） 客人：（向侍者）噯！這螃蟹怎麼不新鮮，是不是死的？ （馬聞聲筷子停在半空中。） 李：（跳起來）什麼？（來至客人前）我們的螃蟹不新鮮？不會的，不相信我拿幾個給你看看。（對侍者）快去拿蟹出來給這位先生看。 （侍者應聲走。 （馬懷疑地看看蟹黃包。） 客人：（向李）你聞聞這味兒。 李：（接過一聞，失笑）螃蟹就是這味兒的，先生。 （侍者捧蟹出。） 李：（牽蟹給客人看）先生你看，多肥，比我肥，可是比我跑得快，多有勁。 （馬放心，吃蟹黃包。 （李望望馬，牽蟹到櫃檯前向吳低語。） 李：小吳，照一百五一桌的菜開，這樁生意我賠錢也得搶過來。 吳：（點頭）知道。 D.O. 第七場 景：酒家連街道 時：日 人：張、李、馬、吳、路人 D.I. （南興門口，張仍不放心，出店向北順遙望。 （北順樓門口，李送馬出，小吳隨出。） 李：再說我們地方大，裝潢好，這件事辦體面了你老兄臉上也有光。 馬：我帶你這張菜單回去讓他們看看，我想你八成有希望。 李：這就叫做不怕不識貨，只怕貨比貨！ （馬點頭告別。 （張急忙拍手叫馬。） 張：老馬，老馬！ （馬聞叫走向張，李、吳注視。 （馬來至張前。） 張：喂，乜你識嗰個外江佬嘅咩？ 馬：識！佢叫李四寶啦嘛，舊時我響北方做生意嗰陣就識佢嘅啦。 張：咁佢嗰個領班呢？你又識佢嘅？我睇見佢夾硬拉你入北順樓嘅噃。 馬：嗰個領班小吳？佢以前響天宮樓做嘅，我系天宮樓嘅老主顧，梗識啦。呢個小吳好叻，佢去到邊度做領班，啲人客會跟住佢去邊間幫襯嘅。 張：乜呢個小吳咁好嘢？ 馬：系呀！ （北順門口，李、吳注視。） 馬：（窘嗽）系啦，三波，我正話想通知你，頭先我同你傾過嘅嗰二十圍酒，你唔好預備住，或者會有啲變動！ 張：（驚）乜嘢話？ 馬：（窘）唔……我頭先打咗個電話番公司，公司話嫌你呢處地方太細。 張：點會突然之間嫌我地方細？年年都幫襯開我嘅噃？ 馬：系，不過今年公司話想換個大啲嘅地方。 張：……我明白啦，怕唔系嫌我地方細，（指北順）系佢嗰邊嘅地方大，系唔系呀？ 馬：唔系嘅，不過有啲人想話換嚇口味，所以我叫佢地都開咗張菜單，攞番去俾公司揀嚇！ 張：佢嗰張菜單俾我睇嚇！ （馬不得已將北順菜單交張。 （李勝利地立門口旁觀，與小吳互打眼色。） 張：（看菜單，怒）乜嘢話！呢張咁嘅菜單計你百二銀一圍？起碼要百四五文至得呀。嚇！嗰只外江佬真系冇譜，蝕本生意都肯做嘅？ 馬：不過佢講過系特別計平俾我嘅。 張：特別計平？佢一心同我搗蛋，想搶你單生意去就真。 馬：唔啱你又試嚇計平啲。 （張為難躊躇。） 李：（見狀，忙叫）馬先生！馬先生！ （馬至李前，李一把拉住。） 李：你們要是在我這兒開聯歡會，我可以奉送堂會。 馬：奉送堂會？ 李：聯歡會嚜，叫一班樂隊來表演一下，那才熱鬧呢！ 吳：我們請的樂隊一定是第一流的。 馬：（心動）那好極了，我回去跟他們商量一下。 張：（高叫）老馬！老馬！ （馬至張前。） 馬：點呀？系唔系你嘅價錢可以減多少？ 張：減就系冇得減啦，我地廣東人做生意你都知嘅啦，一向老老實實，唔學得嗰啲外江佬把口講得天花龍鳳，等佢攞啲冷氣貨出來你食，食過就知味道。其實你公司啲同事，多數都系廣東人，食我地嘅廣東菜比較對胃口，咁多年幫襯我地，從來都未試過有人話唔滿意嘅。今次如果你換咗北方菜俾佢地食，如果佢地食過話唔好梗怨死你，你話系唔系？你都系唔好聽嗰個外江佬車天車地，一於幫襯我啦！ （馬動搖。） 李：（忙叫）馬先生！馬先生！ （馬至李前，疲於奔命。） 李：你們公司里說英文的人多，一定喜歡聽歐西流行歌曲。現在香港的第一流歌星，我有路子可以請得到，我準定請兩位來參加表演。 馬：（大喜）真的？ 李：（拍胸脯）包在我身上！ 吳：包管叫你滿意。 馬：我回去告訴他們一定歡迎。 李：好，那麼我等你的信兒。 （馬揚手作別。 （馬經張前強笑點頭去。） 張：（知無望，喃喃地）死外江佬！ 李：你罵誰？ 張：鬧邊個？鬧嗰啲情願蝕本來搶生意嘅死外江佬。 李：你怎麼知道我蝕本？千做萬做蝕本不做。 張：咁都唔蝕本？百五銀一圍嘅菜賣百二，仲送堂會，請歌星。我睇你呀，連老婆蝕埋都有份呀。 李：笑話！生意各有各做，我是圖個下次生意！ 張：仲有下次生意？等出年人地再開聯歡會嗰陣，你開鋪頭都怕老早就執笠囉。 （唾地，入店。） F.O. 第八場 景：酒家連街道 時：日 人：張、李、吳、馬、趙太、光仔、明仔、蛇仔、阿馮、歌星、司機、侍者、廚師、路人 F.I. （北順樓門口懸有美亞公司宴客大花牌。 （街上擠滿人看熱鬧，人叢中開來一汽車。 （小吳擠上前代開車門，二歌星下車，李鞠躬迎入。 （眾仍不散，擠門外踮腳看。 （張由南興出，亦雜人群中看。 （店內樂聲悠揚，李、吳出，散啤酒卡。） 吳：（每人派一張）憑券免費喝啤酒一瓶。 李：（邊派邊說）今天對不起，我們這兒包給美亞公司開聯歡會，改天請過來便飯，憑這張贈券到小店來吃飯免費喝啤酒一瓶。 （李派卡來至張前，順手也派一卡給張。張正伸手欲取，李發現是張，即刻收回。 （李瞪張一眼走開。 （張靈機一動，忙擠出人叢。 （張來至南興隔壁小士多，跟老闆娘說。） 張：趙太，唔該你同我去北順樓度攞張啤酒卡。 趙太：乜嘢啤酒卡？幾錢一張？ 張：唔使錢嘅，（給一元趙太太）呢啲系我請你飲茶嘅。（並向趙太太耳語。趙太太會意走） （張來至擦鞋童處。） 張：（向擦鞋童）喂！你快啲同我去攞張啤酒卡。（予一元，並耳語）（擦鞋童去。） 張：（向二抹車青年）明仔、蛇仔，快啲去攞啤酒卡，我請你地飲茶。（各予一元，並耳語） （二青年出。） 張：（向水果攤老闆）喂，阿馮，北順樓有啤酒送，唔使錢有啤酒飲，快啲去攞卡啦。 馮：真系？（急出） 張：個酒鬼慳番我一文添！（回店） （張回入南興。隔玻璃見張在內與侍役們說話，侍者們紛紛剝下號衣，張入廚。 （侍者們脫號衣後出店奔至北順加入人叢領卡。 （南興門口，見二廚子脫圍裙相繼奔出大門，走向北順。 （張跟出，望著北順微笑。） D.O. 第九場 景：北順樓內 時：日 人：李、吳、清、阿馮、明仔、蛇仔、光仔、趙太、南興侍者、茶房、顧客 D.I. （北順樓內，趙太太、明仔、蛇仔、光仔、阿馮、南興侍者，及各色人等坐滿一堂。 （李入。吳迎上。） 吳：老闆，你看今天生意多好。 李：（目光一掃，滿意地）唔！看樣子今天也許有希望賣個滿堂。 吳：我這個主意不錯吧，白喝啤酒還不就順便在這兒吃飯？ （李微笑點頭巡視各座。 （鏡頭跟每張桌上一人一瓶啤酒，客人手上一張報紙，大有坐著不走之意。） 李：（臉上顯得不很自然，對吳）這些客人怎麼都沒有叫菜，每人都是一瓶啤酒？ 吳：吃飯時候還沒有到啦！ 李：我看情形不大對。 （O.S.明仔等爭論，李、吳回頭望。 （明仔、蛇仔與馮同桌。） 明仔：啲啤酒都唔好飲嘅，梗系次貨來嘅。 蛇仔：，你仲驚會蝕底去咩，唔使出錢仲有一文。 （李注意。） 馮：有一文？ 明仔：系呀，南興個老闆肥佬張俾嘅嗎！ 馮：肥佬張俾你地一文？ 蛇仔：系呀，乜冇俾你咩？ （李、吳更注意。） 馮：冇俾我！ 明仔：佢俾咗我地一文至叫我地來攞卡，仲叫我地坐到夜至番去呀！ （李怒視吳，吳不敢出聲。） 馮：咁個肥佬張夠唔系啦，做乜我冇一文？（起向另桌擦鞋童）光仔，肥佬張有冇俾一文你？ （擦鞋童點頭。） 馮：（向另桌趙太太）趙太，你有冇攞到一文？ （趙太太點頭。 （馮一路向各桌問去，鏡頭搖至李與吳。） 吳：（苦著臉）原來這些人都是南興的老張花錢雇來的！ 李：他媽的，這個廣東胖子盡跟我搗亂，氣死我啦。 （李氣憤憤走出，吳回頭一望。 （張清文衣衛生幫辦制服入。 （吳急迎上，與清低聲說了二句。吳至李前。） 吳：（向氣憤憤的李低聲）李老闆，衛生局的幫辦找您有事。 李：（在火頭上，大聲地）什麼幫辦？ （吳急止住李，向外一指。 （李看清楚是衛生局幫辦急忙走前。） 李：（向清）請坐請坐，貴姓？ 清：小姓張！ 李：張幫辦，請坐，請吃點點心。（向吳頷首示意） 清：唔使客氣，我系來調查一件事嘅。 李：什麼事？ 清：擒日有間美亞公司系唔系響你呢處開聯歡會宴客呀？ 李：是啊，昨天這兒熱鬧極了，每個客人都很滿意，都說我這兒的菜好。 清：系咩？不過有幾個人響你呢處食咗嘢番去，又吐又瀉噃！ 李：哦？ 清：佢地思疑或者系響你處食咗唔乾淨嘅嘢。 李：不會，不會，那絕對不是在我們這兒吃的，我們自從開張到現在從來沒有人吃壞過肚子。 清：（持筆與簿記錄）咁你間鋪頭開張有幾年呀？ 李：開了……唔……八天。 清：（正色寫下）唔該你帶我去廚房檢查一嚇。 李：是，是，我們的廚房完全現代化，有最新式的衛生設備，歡迎參觀。 （李引清入廚房。） C.O. 第十場 景：北順樓廚房 時：日 人：李，清，廚師數人 C.I. （李引清入廚，帶著宗教性的神色，帶著清看嶄新爍亮的鍋灶，水池，冰箱等。） 清：我要睇嚇你地嘅豬油。 李：在這兒。（帶清來至貯油處）豬油、生油、醬油等。 （清一一細視，並記錄之。） 李：這是我們的冷藏庫。（命廚役）打開給張幫辦看。 （廚役開冷藏庫取大塊肉示清，為冷氣侵襲，噴嚏。） 李：（責廚役）怎麼這麼不小心亂打噴嚏，多麼不衛生，下次記住戴口罩！ （清檢查冷藏庫內肉類、魚蝦等一一記下。 （李引清來至二大缸前揭缸蓋示清。） 李：請看看我們的螃蟹多新鮮，每一個都是活生生的。（自大缸中牽繩撈出一隻置地下牽它走，它爬不動）他媽的，你怎麼不走啦？偏偏今天泄氣，連你也跟我作對。走啊，走啊！ （清失笑，向缸內望望記下一二字，揣起記事簿與筆，向李點點頭，去。 （李拭汗，向方才的蟹恨恨地看一眼。） 李：（向廚役）做蟹粉！（出） D.O. 第十一場 景：南興酒家內 時：日 人：張、清、侍者、顧客 D.I. （張在店內巡視。清入。） 清：（來至張身旁）爸爸！ 張：阿清，響邊處嚟呀？ 清：正話去隔離北順樓檢查嚟。 張：（喜）點呀，系唔系有人告佢唔清潔呀？ 清：（點頭）有八個人響佢度食咗嘢又吐又瀉。 張：咁點呀？關唔關佢鋪頭事呀？ 清：佢間鋪頭仲乾淨過呢處呀，嗰幾個人都唔知響邊處食錯嘢啫。 張：（搖頭閉口長吁，向侍者）我地阿清一向就系咁嘅脾性，乜嘢都系公事公辦。 （張走開。清跟上。） 清：爸爸，你今日幾點鐘番屋企呀？ 張：就番嘅啦，做乜嘢呀？ 清：乜你唔記得咗咯咩，你叫我今晚帶個女朋友去屋企見你嘅嘛！ 張：（點頭）系，（忽想起）你個女朋友系邊度人嚟？ 清：爸爸做乜你又提呢啲？我女朋友求其人品好唔系得咯，理佢系邊度人呢？ 張：咦！你咁講法，唔通佢系外江女？ 清：（囁嚅）唔……唔系，我不過覺得我地唔應該有呢啲偏見啫。 張：事關我最憎外江佬，尤其俾北順樓嗰個外江佬搶咗我生意之後，提起外江佬就嬲。如果你個女朋友系外江女仔就唔駛帶佢嚟見我都得啦。 清：唔系……唔系，佢系廣東人嚟嘅。 張：唔系外江女就得啦。（抬頭一望） （鍾指六點。） 張：咦！乜已經六點鐘嘅啦。（忙穿長衫） 清：爸爸去邊處呀？ 張：一日都系同你講嘢講到過曬鍾都唔知。 清：乜嘢事咁緊張呀？ （張不及回答，一陣風趕出。） 侍者：老闆日日呢個時候就要趕番去聽收音機。 清：哦！我仲以為有乜嘢緊要事添……（向侍者）阿王，攞幾個蘿蔔糕俾我！ 侍者：好！（入廚） 清：（叫住）喂，唔好用有鋪頭招牌嗰啲盒載，用第二啲冇招牌嘅白紙包住就得喇。 侍者：（茫然）好。（走入廚房） D.O. 第十二場 景：電台 時：夜 人：曼，清，電台工作人員，青年數人 D.I. （電台招牌。） Diss. （播音室外——清持蘿蔔糕匆匆入。 （見曼與數青年正準備入播音室。） 清：曼玲！ 曼：（迎上）怎麼這麼早就來接我？我還沒上去呢！ 清：咁就啱曬啦，我成日都想嚟睇你播音。 曼：這是什麼？（指清手中紙包） 清：蘿蔔糕！ 曼：送給我吃？ 清：唔系，一陣我先至話俾你知。 技術人員：（自播音室內出）李小姐！ 曼：（向他點頭，轉向一青年聽眾改操粵語）就開始啦，我先答你嘅問題，大致就照我地頭先演習咁樣就得啦！ 青年：我驚講唔出。 曼：唔好咁緊張就得嘅啦。（奪下青年手中札記）唔好要呢啲啦，紙聲聽到！（拉青年入） （清來至玻璃外望向播音室。 （隔玻璃見曼安慰該青年，笑著拍拍該青年肩膀。 （清反應。 （電台職員看鐘，舉起手指。） 曼：（開始播音）各位聽眾，本電台每日半點鐘嘅「寂寞的心」節目而家又開始啦。首先我地系同黃樹棠君研究佢所提出嘅問題。黃先生，請你講一講你嘅問題先。 黃：我今年廿二歲，五呎三吋高，咁樣發育算唔算正常呢？ 曼：高矮同發育正常系冇關係嘅！ 黃：唔系呀，我總覺得我自己唔夠高，所以成日都冇勇氣去識女朋友。 曼：呢啲系你有自卑感啫，你首先要拋開呢啲心理至得。你知唔知世界名人拿破崙只得五呎二吋高，你仲高過佢一吋，而且所有嘅小姐唔一定個個都系盲目崇拜啲高佬。 黃：咁如果女朋友高過我，一齊行街都系唔似樣！ 曼：你可以搵同你身材差唔多嘅女朋友唔系得咯。其實你都唔算矮，我唔著高踭鞋，同你一樣高。（脫鞋與黃並肩比，黃受寵若驚）（清反應。 （隔玻璃窗見曼置手黃肩娓娓談，時作媚笑。 （清焦急。） D.O. 第十三場 景：張家客室、廚房 時：夜 人：張、張太、佩、清、曼、女傭 D.I. （收音機拉開，張在收聽「寂寞的心」節目，張太太織絨線，佩打字。） O.S.曼：……至於你父母因為你冇勇氣去結交女朋友，所以要介紹一位小姐你識，系一個好合理嘅辦法。 張：（為佩打字的聲所嘈，聽不清，回頭高叫）阿佩，唔好嘈！ （佩不服氣地停止打字。） O.S.曼：你唔可以武斷你父母介紹女朋友你識就系父母之命，媒妁之言。你應該要同你父母介紹，俾你嘅女朋友互相觀察，經過一段長時期嘅彼此仔細了解，睇嚇對方嘅個性脾氣，教育程度，合唔合得埋咁至啱。你應該知道父母年紀比你大，人生經驗比你豐富，應該儘量採用父母嘅意見，而且你要明白，你父母完全係為你打算…… 張：（不禁贊好）阿佩，你快啲嚟聽嚇，講得認真好嘢，認真有道理…… 佩：餵……我系佩明……乜你仲未有去睇咩？今日最後一天啦……呀！已經睇咗……我睇咗五次……我最中意第一支（哼歌）……唔系，你講嗰支系響海邊唱嘅……（爭執）系唎，點會唔系啫，我唱俾你聽啦！（哼另一支歌） （佩聲浪大，張無法聽到曼的聲音。） 張：（大聲地）阿佩，唔好嘈！ （佩停止哼歌，回頭望張。） 張：叫你嚟聽嘢又唔聽，仲響電話處嘰哩咕嚕唱歌，好嘢唔學，一日到黑同埋啲同學去睇戲，唱埋曬啲阿飛歌…… 佩：（嫌張嘮蘇）好啦，好啦！（向電話）我一陣再打俾你啦！（掛斷） 張：等你唔嘈，佢已經講完咗啦！（關收音機） 佩：（指收音機）唔通佢講嗰啲系聖旨嚟咩，又唔比打字，又唔准聽電話，仲要監人聽…… 張：睇你刁蠻成咁樣。佢講嗰啲嘢，叫你聽，對你系有好處！ 真系越大越唔聽話。 張太：（解圍）好了！好了！開飯啦，一陣阿清要帶女朋友嚟。（高叫）阿四開飯！ Diss. （飯後，女傭收拾好餐檯，二老在休息，佩在打字。 （門鈴響，佩近門，往開，張太太止之，搶往開門。 （門間，清偕曼入。） 清：媽媽，（指曼）呢位系李小姐。（指張太太）我媽媽。 曼：（很有禮的）伯母！ 清：（介紹）我爸爸、妹妹！ 曼：老伯，張小姐！ 張太：請坐，請坐！ 曼：聽阿清話，老伯最中意食蘿蔔糕，所以今日特登做咗啲蘿蔔糕拎來孝敬老伯、伯母。（交紙包給張太太） 張太：乜李小姐蘿蔔糕都識整呀？真系叻啦！ 曼：整得唔好！ 張：唔使客氣咯，而家啲女仔剩系肯自己落廚房做點心已經萬二分難得咯！（望望佩） （佩不悅。 （張拆開紙包取食。） 張太：！乜你咁，你想食，等我煎咗先至食呀！ （張很緊張地止住各人聲張——全體靜寂。） 張：（搖頭閉目，作專家品題狀）嚇！好嘢！整得好味道，簡直同我鋪頭做嘅一式一樣！ 佩：爸爸都唔知丑嘅，自己話自己鋪頭啲嘢好食！ 張：使乜講，我南興酒家啲蘿蔔糕系出名嘅啦。李小姐居然能夠整得一樣咁好味道，真系架勢！阿佩，你要同李小姐學嚇至得，人地李小姐幾能幹！ （佩有慍色。） 張太：李小姐，唔啱你嚟教我地做蘿蔔糕，好唔好呀？ 曼：（吃驚）唔得！我亂咁嚟嘅啫。 張太：做得咁好，仲使乜客氣呀！ 張：（突然地）嚇！李小姐好面熟，好似響邊處見過嘅？ 曼：系咩？忽然間想唔起啦。 張：（繼續吃糕，向妻）認真好味，你一定要叫李小姐教你點做至得，阿佩都可以學嚇！ 張太：李小姐，來來！（引路入廚） （曼驚。清欲阻止。） 清：媽，李小姐第一次嚟就叫人落廚房，咁點得？ 張太：怕乜嘢？一次生，兩次熟啦嘛！（細聲）就嚟做自己人咯！（徑入廚） 佩：（低聲）做乜咁快趣就心痛啦，又想認叻，又想擺小姐架子點得！ （O.S.張太太叫佩入，佩入廚。 （清與曼交換一瞥，無奈，跟入廚。曼走不數步，回身取手提包在手，然後入廚去。 （廚內——女傭在洗碗，張太太領佩、清、曼入。） 傭：太太，做乜嘢呀？ 張太：我地請李小姐做蘿蔔糕！ 傭：做蘿蔔糕？（愕然） 張太：得啦。（取出一大籃蘿蔔，向曼）先將啲蘿蔔點呀？ 曼：（無奈，硬著頭皮）洗乾淨先！ 張太：（立即動手）阿四、阿佩，幫手洗蘿蔔！ （曼也只好加入。四女同洗蘿蔔，笑料百出，女傭啼笑皆非。） 清：（慌亂地）使唔使我幫手呀？ 曼：你幫手批蘿蔔啦！（一面說，一面以眼色詢清如何辦） 清：（一面削，一面提醒曼）使唔使米粉？ 曼：呀！……（望清，清猛向她打眼色）……當然要啦！ 清：屋企好似冇米粉噃！ 張太：有，響架處嚟，等我攞。（拭手） （清一望身旁架上，真有一小袋米粉，忙取之藏懷內。） 張太：（在架上找）咦！啲米粉呢？點解唔見咗？ 清：既然冇米粉，唔啱第日再做啦！ 張太：做乜冇呀？阿四，今朝早我攞番嚟嗰啲米粉呢？ 傭：我同你擠咗落罐度。 （清呆然。 （張太太由鐵罐內取出米粉。 （清即藉故解開張太太取出之布袋細視。） 清：哎吔，呢啲米粉有蟲嘅！ 張太：亂講，今早至攞番嚟，點會有蟲？ 清：系唎，呢呢，啱啱見到一隻蟲。 佩：喂！我地呢處唔使你呢個衛生局幫辦嚟檢查衛生呀！ 張太：如果嫌我地唔衛生，唔啱你一陣間咪食呀！ 佩：走，走！（猛推清） （清懷中米粉袋落地，潑翻褲腳皮鞋上。 （各人愕然。） 張太：做乜你身處有米粉？ 佩：系咯！（用異樣的眼光望清） 清：（支吾）呢個，呢個……（自拍褲，鞋） 曼：（代掩飾）呢啲唔系你檢查嗰間酒家攞番去做證據嘅咩？ 清：系系，擠咗落身度，一嚇就唔記得咗添！ 佩：睇嚇你幾論盡。 （阿四取掃帚掃地。） 曼：（向清）呢處唔使你幫手啦！ 張太：系咯！出去啦，出去陪你爸爸，等住食蘿蔔糕啦。 （清、曼相向苦笑。 （清出。） Diss. （客室內——清伴張坐。） 張：阿清，呢位李小姐人品唔錯，又識得落廚房，第日娶番來，一定系賢妻良母。你見過李小姐父母未呀？ 清：仲未，約咗後日去李小姐屋企。 張：你幾大要拍嚇佢兩老嘅馬屁至得，一有機會即刻提婚事，越快越好。 清：爸爸好中意李小姐？ 張：中意到極，而家咁嘅時勢，邊處仲搵得到咁嘅新抱呀。我地廣東人，一定要娶番一個好似李小姐咁樣嘅廣東老婆至得。 清：（廢然）咁如果佢唔系廣東人，你就唔中意佢咯噃？ 張：佢唔系廣東人？笑話啦！唔通外江女會識得整咁靚嘅蘿蔔糕咩？（拈食） 張太：（探頭入）唔好食呢啲啦，就有新鮮嘅食啦！ （清恐慌。 （張摩拳擦掌，準備大吃，起，挪椅。 （女傭入，擺碗筷。） 張：（向清）嚟嚟！ 清：（微弱地）我唔餓！ 張：（瞪他一眼）唔餓都要食啲！ （張太太、佩各端一盤熱騰騰的糕入，曼隨。 （張已舉筷大吃。 （清如將判死刑。 （曼緊張地強笑。） 張太：試嚇！（夾一塊給清） （清初試而不知其味，漸漸臉上現出驚奇的微笑。） 張：好嘢，仲好過頭先嗰啲。 張太：凍嘅梗冇熱嘅好食啦！ （清、曼相視而笑，均拭汗。 （曼開手袋取粉盒補粉，見清向曼作詢問的眼光，曼示意清注意手袋。 （手袋內，有一本《如何做蘿蔔糕》的書。 （清恍悟。） 張：（向佩）咪一味識得食，第二次要你整比我食，知唔知？ 曼：其實好容易整嘅，第日妹妹一定整得好過我。 （佩不示可否。） F.O. 第十四場 景：姻緣道 時：夜 人：清，曼，情人數對 F.I. （清、曼同行。） 清：總算過咗一關，我爸爸對你印象非常好。 曼：可是，他總有一天知道我不是廣東人的。 清：遲嚇，等爸爸同你有咗感情，嗰陣就算佢知道你唔系廣東人都唔緊要咯！ 曼：不要再說廣東話啦！ 清：（改說國語）對不起，忘了！ 曼：明天這一關不容易過，我父親的成見比你父親更深。 清：而且我的國語沒有你的廣東話好，不容易充過去！ 曼：這是你沒有機會練習的關係。 （二人納悶經過一塊大石。） 清：這是我們的石頭。 曼：（矯正發音）石頭！ 清：石頭！ （二人坐石上。） 曼：我再也忘不了那天我們一起坐在這兒看日頭出來。 清：什麼日頭？ 曼：日頭就是太陽。 清：日頭。 曼：廣東人學國語，這幾個字總是鬧不清：日頭，石頭，舌頭。 清：易頭，習頭，鞋頭。 曼：跟我念，（指）天上的日頭，地下的石頭，（伸舌）嘴裡的舌頭！ 清：（看得出神）你個樣真系得意！ 曼：還不好好地學？天上的日頭，地下的石頭，嘴裡的舌頭！ （二人同聲念，起行，相挽走遠，念誦聲漸近。） D.O. 第十五場 景：李家廳房 時：日（下午一點至二點） 人：曼、煥、李太、女傭 D.I. （曼忙亂地布置客廳，桌上放滿糖果、北方小食、臭豆腐。 （李太太在一旁看得奇怪。） 曼：媽，爸爸愛吃龍井還是香片？ 李太：龍井，你今天怎麼啦？ （曼但笑不答，撮茶葉入玻璃盅沖茶。 （門鈴響。） 曼：爸爸回來啦！ （李太太開門。 （煥手提藥箱入。） 李太：今天怎麼這麼早回家？ 煥：今天看病的人不多。 （煥看見桌上零食，放下藥箱走前去取食。） 曼：（見狀即上前阻止）噯，哥哥，這是我特為爸爸買的，別都吃光了！ 煥：你今天怎麼忽然這麼孝順爸爸？ 曼：誰像你？ （煥繼續吃。） 曼：媽，你看哥哥！（奪盤）好了，留點給爸爸！ 煥：你這麼拍爸爸的馬屁，一定有緣故。等爸爸回來，我叫他當心點。 曼：你敢！ （O.S.電話鈴。李太太出聽。） O.S.李太：（隱約地）喂！……噯！李醫生在家。（高聲）煥襄，電話！ （煥出。 （曼忙整理報紙，疊好放在沙發椅旁，拍拍椅上靠枕，又看看鐘。 （煥回，取醫生皮包。） 曼：又要出診？ （煥點頭，攜皮包出。曼繼續準備，取眼鏡盒置沙發椅邊。） C.O. 第十六場 景：酒家連街道 時：日 人：李、張、吳、侍者、路人 C.I. （李自北順樓出，沿街走出視線。 （少頃，吳穿便裝，自同一門中出。張匿另一門洞中見吳出。） 張：噯！吳先生，吳先生！ 吳：有什麼事嗎？ 張：請過來我嗰邊飲杯茶。 吳：幹嗎這麼客氣，張老闆？ 張：我好耐就想請你飲茶，同你傾嚇嘅啦，總系冇機會，事關我非常佩服吳先生你嘅才幹。 吳：哪裡，哪裡！ 張：邊個唔知成間北順樓，就靠你老兄一個人嘅啫。 吳：哪裡，哪裡！ 張：嚟，去我嗰便飲茶！ （拉吳入南興。） C.O. 第十七場 景：李家廳房 時：日 人：李、清、曼、李太、女傭 C.I. （曼開門迎李入，為李脫上衣，拉李坐下，為李換拖鞋。李奇怪曼過分服務周到。 （曼攜上衣入內室。李急來至盆栽處，取水壺澆之。 （李數盆栽內葉子，發覺多了一片，大喜。 （曼捧茶入。） 曼：爸爸，喝茶！ 李：（高興地）曼玲，今天又多長了一片葉子！（指盆栽） 曼：那太好了，我來替你澆水。（將茶放几上，來至盆栽前，欲取水壺。李急阻止） 李：噯……謝謝你，別澆，我剛澆過。 （曼很聽話地停手站一旁。） 李：（指著盆栽，高興地對曼）剛買回來的時候，才八片葉子，現在已經有十六片了，長的真快！ （李走向沙發處坐下，戴眼鏡，取晚報。 （曼遞上臭豆腐。） 曼：爸爸，你最喜歡吃的臭豆腐。 李：（驚喜）噯！咦！（不經意地拈食，看報） （O.S.電話鈴響。曼緊張跑到門口，電話已有人接。） 曼：爸爸，你的電話。 李：是誰打來的？ （李太太入。） 李太：飯館裡打來的。 （李出。） 曼：媽，你去換件衣裳。 李太：（自顧，拉衣）怎麼啦？ 曼：一會兒有人來。 李太：什麼人？……哦，我知道，你的男朋友，是不是？ 曼：媽，他說先別告訴爸爸他是衛生局幫辦。 李太：為什麼？衛生局幫辦也是正當的職業。 曼：他是因為開飯館的歸衛生局管，爸爸知道了就不能不特別敷衍他。 李太：他這態度倒是很好。 （門鈴響。） 曼：（拉李太太入內室）媽，快去換衣裳！ （女傭入。） 傭：小姐，有一位張先生來找你。（引清入） 曼：坐！（讓坐） （女傭出。清、曼相視微笑，清以手勢告訴曼心情緊張，曼示意鎮定。 （內室。李太太易衣、鞋。李怒沖沖入。） 李：豈有此理，小吳不幹了，讓那家廣東館子把他挖去了。 李太：哦，就是那間南興酒家？ 李：可不是那個廣東胖子，上次僱人白吃我們啤酒的是他，這會兒挖我們的領班啦！工錢加三成，年底雙薪，還要送一層唐樓給小吳，這還不讓他挖去？ 李太：送一層樓？這可不得了，出手好大！ 李：那個廣東胖子平常嗇吝極了，現在是存心跟我搗蛋！ 李太：那現在小吳比我們強，住自己的屋子啦！ 李：這些廣東人真欺負人，我們北方人到香港來，不知道吃了他們多少虧！ （曼入。） 曼：爸爸，張清文來了半天了，你們怎麼老不出去？ （李茫然。） 李太：是曼玲的男朋友，等著見你呢！ 李：（對曼）我告訴你，交朋友可得小心，千萬別跟廣東人來往，這些廣東人沒有一個好東西！ （母女互視，不知說什麼好。） 曼：（軟弱地）誰說他是廣東人來著！ 李太：（對李）別發脾氣了，收拾收拾出去見客。（代整領花） （李照鏡，穿上衣，曼代李太太掠發戴耳環。 （客室——清緊張地坐候，無聊地摘下一片葉子，再等一會又摘下一片，心虛地四顧室外，將摘下的七八片葉子放回盆中。 （李夫婦偕女入。 （清急忙起立，一見李已吃驚——因李已見過清。） 曼：這是我爸爸媽媽。 清：（廣東官話上陣）老伯，伯母！ 李太：請坐！ 李：（注視清）這位…… 李太：（代答）張先生！ （李注視清，思索，再打量清。 （清吃驚。 （曼、李太太也代清緊張。） 清：老伯…… 李：你…… 清：（以為已識穿是廣東人）我？…… 李：（對李太太）這位張先生很面熟，好像在哪兒見過的。 （清等鬆口氣。） 清：我看老伯也很面熟，（向曼）老伯很像我父親！ 曼：噯！身量差不多！ 李：不會吧，令尊也跟我一樣有三百磅重？ 李太：（責李）你哪兒有三百磅？二百九十三磅。 李：那是因為這一晌瘦了，太操心，單單給那些廣東人氣就氣瘦啦，咳！生意難做，這些廣東人真不是東西！ （清震動，怒。） 李：你貴處？ 清：我？……我是廣東人。 李：什麼？ 曼：山東人。 李：哦！山東老鄉！ （曼向清怒視。 （清悔，手足無措，又摘下一片葉。 （李一震，心痛皺眉。） 李：府上一直在山東？ 曼：他是從小在香港長大的。 李：怪不得他的口音有點特別，剛才他說山東的時候我會聽成廣東。 清：舌頭彎不過來。（舌頭說成鞋頭） 曼：（急代掩飾）是啊，現在時興這樣的鞋頭。（伸出一隻腳） （清自知說錯，慌忙中又摘下一片葉。 （李又一震。） 李太：吃糖，吃糖。 清：（拭汗）日頭好熱。（見李夫婦茫然）易頭，天上的易頭。 李太：（忙代遮掩）可不是，一頭汗。 李：你們說什麼？我簡直不懂！ （清慌恐，又摘一片葉。 （李又一震。） 清：我的國語說得不好，像嘴裡含了石頭。 李：什麼「西頭」？ 清：習頭，地下的習頭。 （李夫婦茫然。） 清：（又恐慌地摘下一片葉）天上的易頭，地下的習頭，嘴裡的鞋頭。 李：什麼西頭，鞋頭，一頭兩頭的？ （清大吃驚。） 李：（恍悟）這傢伙明明是廣東人。 曼：爸爸！ 李：（指清）你馬上給我滾蛋！ 曼：爸爸，你這算什麼？ 李：你走不走？走不走？ 李太：得了，得了！幹嗎生這麼大氣？ 李：不走我揍你！ 曼：你先走吧，等我跟他解釋。（推清同出） 李太：你別這麼得罪人。 李：得罪他又怎麼著？我怕他？ 李太：你知道他是誰？ 李：管他是誰！我怕了他這混賬小子，算我活回去了。 李太：他是衛生局幫辦。 （李一時不解，瞪眼望著他。） 李太：下次他來檢查，一挑眼，罰你一千八百，看你受得了受不了？ 李：該死！你們這些女人，早怎麼不說，快請他回來！（趕出高叫）曼玲，曼玲！ （李出門而去。） 李太：（奔出洋台上叫）曼玲，曼玲！（發現李已截住曼與清） （李太太回入客室。 （李鞠躬如也導清、曼回客室。） 李：你可千萬別見怪，胖子血壓高性子急，你問我小女，家裡都知道我是這脾氣，都不理我。 清：（粵語）我啲國語講得實在太壞，難怪老伯會發脾氣嘅！ 李：你國語說不好有什麼難為情的，我到了香港這麼些年，（改說粵語）我嘅廣東話成日撞板！ 李：（哈哈大笑）請坐！請坐！ 清：老伯脾氣好爽直，同家父一定傾得埋！ 李太：對了，你令尊令堂哪天有空，請他們到舍下來便飯。 清：唔駛客氣。伯母，搵一日我請老伯伯母飲茶，同家父家母見嚇面啦！ 李：（敷衍地）我請客，我請客！ 李太：要是將來你跟曼玲成了親，我們就成親家啦。假如令尊喜歡曼玲的話，我們也該早日會個面，順便把你們的親事當面說說。 清：是！是！ （曼作羞狀。） 李：（見盆栽植物成見杆，只剩頂上二三葉，心痛強笑）這棵樹我買上當了，半死不活的，剩這麼兩片葉子，勞駕你索性給我掐了它。 曼：爸爸，你自己不會掐？ 李：好，我自己來！（咬牙狠心摘葉） F.O. 第十八場 景：咖啡館門外 時：日 人：清、張、張太 F.I. （清開車載張夫婦至咖啡館外。） 清：爸爸，你同阿媽入去先，我去泊車。 （張點頭，清開車走。 （張夫婦走向咖啡館。） C.O. 第十九場 景：咖啡館內 時：日 人：張、張太、李、李太、曼、清、馬、茶房、顧客 C.I. （咖啡館內——李夫婦偕曼在一桌坐，桌上放飲料。曼正持粉鏡自照，不放心地撫發，向母咕噥了一句，起入盥洗室。 （張夫婦入，未發現曼，在李旁擇一桌坐下。 （張一坐下，發現李。 （二人互打一照面，同時回頭作不理狀。） 張：（以肘推張太太）你睇嚇隔離個衰神，就系開北順樓專門同我鬥氣嗰個死外江佬。 張太：哦？（回頭望李） 李：（以肘推李太太）噯！看那胖子，就是南興酒家的張三波。 李太：哦？（望向張） （二對夫婦目光相接，立即同時回頭他顧。） 張：梗系今日出門唔記得擇個好時辰，一嚟到呢處就撞見啲衰神！（張太太怕事，暗示張勿高聲。） 李：（聽不懂）他說什麼？（問李太太，李太太搖頭）真討厭，偏偏又坐在我們旁邊。 李太：我們換張桌子。 李：憑什麼要讓他？偏不！ （這一邊。） 張太：我地換過張台罷啦！ 張：做乜嘢呀？笑話！呢處佢嚟得我唔嚟得咩？ 張太：唔好咁大聲啦！ （侍者來。） 侍：（向張）兩位要乜嘢呢？ 張：一陣先啦，我地仲要等人。 李：嗇刻鬼，想省錢，還不老老實實在自己鋪子裡吃個一盅兩件，一個子兒也不用花。 張：（聽見，故意向張太太說）你睇嚇個衰神，梗系想響呢處搶啲生意番去做定啦。冇人幫襯，剩系靠到處拉人客，唔拉得到幾多個嘅。 李：（正中要害，反擊）笑話，自己生意做不過別人，就專門用卑鄙手段跟人搗亂，這種人簡直混蛋！ 張：（推椅回顧）喂！你講邊個呀？ 李：（推椅回顧）說誰？誰混蛋就說誰！ 張：啊呀，你鬧人！ 李：你承認自己混蛋，那就罵你！ （一人一句，爭吵開始，茶客注意。 （曼先看見一堆人，不知何事，後發現是張、李二人，大急。） 曼：（急叫）爸爸，你怎麼啦，這位就是清文的父親！ 李：啊！？ 張：（向張太太）做乜阿清個女朋友國語講得咁好嘅？（突然想起）佢叫佢做爸爸！（顫抖地指曼）嚇，真系估唔到原來佢系外江女嚟！ 李：好傢夥，把我的領班挖了去，又想來計算我女兒，你究竟存的什麼心眼？ 張：仲好講，你個衰佬冒充廣東女仔來呃我，爭啲上佢當！ （二老大吵，曼不知所措，二位太太設法勸解，不獲。 （清來，見狀大驚。） 曼：清文，你看他們一見面就吵起來！ 清：佢地為乜事會吵？ 張：（發現清）阿清，埋來。（清走近）你個衰仔，竟然串通呢個衰女，夾硬話佢系廣東女仔嚟呃爸爸媽媽！ 清：爸爸，你聽我講。 張：唔使講，我點都唔俾你娶呢啲咁嘅外江女做老婆嘅啦。（手直指向李） 李：（怒，向李太太）你看，多丟人！好像我的女兒嫁不出去似的。曼玲，馬上跟我回去！（拉曼） 曼：（哭）媽，你看爸爸！ 李太：（向曼）我們先回去再說。 （曼反坐下痛哭。） 李：（向李太太）你看你養出這種女兒，簡直丟臉！ 李太：女兒是我一個人的？ 清：（過來勸曼）曼玲，曼玲！ （曼不理。） 張：阿清，我唔准你行埋去個狐狸精處，快啲行番埋嚟。 李：什麼？你罵我的女兒狐狸精！ 張：唔系咩，你啲外江佬冇一個好人！ （二老越吵越厲害，侍者與經理來勸，一概無效。茶客團團圍住看熱鬧，反而將來勸架的侍者等推開。 （另一邊。） 清：阿媽，你去勸嚇爸爸，拉佢番去先啦！ 張太：你睇嚇佢地兩個風頭火勢，點勸得掂？ （曼仍在哭。） 李太：（尷尬地四顧，推曼低聲）別哭了！ 清：（忽然想起，向張太太）阿媽，同我去搵馬正倫世伯嚟勸嚇，或者勸得掂。 張太：系噃，我地即刻去。 （清、張太太回身走。 （清又回至曼身旁。） 清：（拖曼起）我送你番去！（向李太太）伯母，我地一齊走先啦。（清同張太太，李太太母女同出。 （這一邊，二老吵得正熱鬧，不知清等已走。） 張：你驚唔系你個女冇人吼咩！夾硬呃我個仔娶你個女做老婆，啲外江佬真系唔知丑！ 李：你在做夢，我的女兒肯給你做媳婦？你也配！ 張：咁你個女駛乜咁巴閉呀？自己送上門來見公婆，第一次嚟我屋企，就落廚房整蘿蔔糕我食！ 李：我女兒做蘿蔔糕給你吃？笑話，我的女兒連蘿蔔怎麼切法都不會，你完全胡說八道！ 張：真系有其父必有其女，你做老豆，連自己個女響外便做咗啲乜嘢事你都會唔知嘅，（搖頭）呢啲咁嘅外江女真系好人有限了！（回身便走） （李立即上前抓住張後領。） 李：你不要走！ 張：（回頭）你想點呀？ 李：你侮辱我女兒，我要跟你評評理，你說什麼我女兒「好人有限」呀？ 張：費事曬氣呀，冇你咁得閒！（反手欲推開李手） （不料李一個站腳不穩，倒退而出。 （李倒退跌在一桌上，桌倒下，桌上東西全部打碎。） 張：（得意）乜咁曳，輕輕推嚇都會跌嘅。 侍：（纏住李）喂，打爛曬啲嘢，快啲賠錢！ 李：算我的好啦！（由身上取出數百元交侍者）待會兒一起結賬！（侍者一放手，李直奔向張。） 李：（追至張前）好小子，你打人！ （李向張再打一拳，張一手將拳格開。） 張：咪郁手！我話你聽，你唔系我手腳，我食過八年夜粥，學過幾度黃飛鴻散手，一嚇錯手打傷咗你，嗰陣骨都有得你斷！ 李：管你什麼黃飛鴻！ （李一使勁，腳下一滑，跌地。 （張笑，欲揚長而去，李翻身抓住張長衫尾。 （張力掙不脫。 （李一放手。 （張跌了個狗吃屎，撞倒桌子，打碎東西。（李立即起身。 （看客鼓掌叫好。） 侍：（立張身旁記賬）碟兩隻，三個半，糖盅一隻，兩文！ 張：系佢打低我嘅，計佢數！（指李） 李：（得意洋洋）我這是以退為進的回馬槍，現在知道我厲害了吧！ 張：（起身）你暗箭傷人，唔算得英雄！ 李：好，再來，再來決一次高下！ 張：唔通我啲黃飛鴻人馬使驚你咩？（擺一招式）嚟啦！ 李：什麼黃飛鴻不黃飛鴻，我是太極派，先讓你三招！（也擺一招式）（二人裝模作樣，你來我往地圓圈，誰也不敢碰誰。 （吃客們興趣濃厚，紛紛叫「讓開讓開，咪阻住」。 （一部分還在旁吶喊助威。 （二人作狀了一會，漸漸走近，略一交手，二人都有點怕，同時退後。 （二人又你來我往。） 客甲：我看廣東胖子不行！ 客乙：我話個外江佬唔得！ 客甲：我跟你賭十塊！ 客乙：好呀！佢地兩個邊個先跌落地算邊個輸呀！ 客甲：好呀！ （二人各掏出十元，其他吃客跟著下注。 （李、張二人看著心寒。 （賭注已很多，一份賭李輸，一份賭張輸。 （吃客們吶喊使二人交手。） 李：（被迫大叫一聲）著！（使差了勁，栽倒池邊桌上，打碎碗盞，臉埋在一塊蛋糕上） 侍：（記下）茶壺六文，茶杯兩隻連碟，兩個四！ （李一回頭，滿臉奶油。 （張得意。 （買張贏的吃客，紛紛收錢。 （輸的不服氣，再下注。） 張：（自己由袋內掏出十元）我買我自己贏！（下注） （李取起另一桌上一盤義大利粉直奔張。 （張在看吃客下注，被李一盤義大利粉向臉上蓋來，滿臉是粉汁。 （吃客們加注買李勝。 （張大怒，舉拳向李打來。 （張腳下踏著粉，一滑沖向李，李將張一推，張倒地連撞二三張桌子。 （侍者記賬。 （吃客們下注李勝的收錢。） 張：（起身）你乘人不備，又累我輸十皮，同你博過！（打李） （二人打作一團。 （全部滑稽打鬥。 （清拉馬正倫匆匆趕至。 （二老始終扭著一團，難解難分。） 清：世伯，你睇咁點搞？ （馬急忙上前，欲拉開二老。 （二老不肯罷休，反將馬夾在中間。） D.O. 第二十場 景：李家 時：夜 人：李、李太、曼、煥 D.I. （煥代李貼橡皮膏，綁繃帶畢。曼焦急地旁觀。李太太扶李躺下。） 李太：（搖頭嘆氣）這真是打哪兒說起！ （煥收拾器械繃帶等放回皮包內行出，曼代提皮包，跟入煥臥室。 （煥松領帶倒床上。） 曼：哥哥！ 煥：爸爸不要緊的，休息兩三天就沒事了！ 曼：我說的不是這個，我想清文父親的傷勢一定也不輕！ 煥：管他呢！（呵欠，撥鬧鐘）累死了，明天又得起早上醫院…… 曼：哥哥，我現在真為難，爸爸打傷了張清文的父親，叫我以後怎麼做人？ 煥：去問你的男朋友去，別問我。 曼：哥哥…… 煥：明兒見！（舉手關燈） 曼：（捻開燈）哥哥，我求你答應我一件事，好不好？ 煥：明兒再商量吧！（呵欠） 曼：哥哥，我求你看看清文的父親好不好？ 煥：好，明兒去！ 曼：不！（拖他起）現在就去！ 煥：現在就去？這麼晚啦！ 曼：我怕多拖一天，清文父親的傷重了，那就更影響我跟清文的婚事了。你馬上就去一趟吧！ 煥：（搖頭）你真是等不及要嫁出去？ 曼：（遞皮包到他手中）你去一趟去瞧瞧嘛，要是他父親傷不重，我也好放心啦！（將一紙條塞煥上衣袋內）這是他們家的地址，石塘道八十三號。（推煥出）別說我叫你去的，就說是馬正倫先生介紹來的！ （煥無奈，出門而去。） D.O. 第二十一場 景：張家 時：夜 人：張、張太、煥 D.I. （張臉上貼著橡皮膏，在床上半撐起吃蘿蔔糕。張太太入。） 張太：馬先生真系唔話得，請咗個醫生嚟睇嚇你傷勢點！ 張：睇我嘅傷勢？我駛乜睇呀！ （煥已隨張太太入臥室。） 張太：醫生貴姓呀？ 煥：（睡眼惺忪，不經意地）唔？……（來至張前）哪兒受傷啦？（煥檢視張頭、面、眉、臂。） 張：做乜請個外江佬醫生呀？雞同鴨講都得嘅？ 張太：我去搵人來傳話。（出） （煥繼續為張檢驗。） 張：個馬正倫都冇解嘅，跌親嚇，擦損啲皮，都使請醫生嘅，仲請個外江佬添，攞景咩？ （煥插溫度表入張口，止住滔滔言語。 （煥坐沙發，以手撐頭，好像在瞌睡。 （張瞪視煥。 （張太太入。） 張太：阿清仲未番，阿佩又出咗街。（背向煥，所以沒看見）醫生呢？ 張：（拉出溫度表）佢瞓緊覺呀！（指指沙發上的煥） （煥聞聲即來至張前。） 煥：噯！你怎麼隨便拿出來？（接過溫度表）算啦！算啦！（看錶）你有熱度！ 張：直情系黃綠醫生，跌親嚇邊有熱度？ 張太：咪咁嘮蘇啦！ （煥取聽筒聽張心。） 張：啲外江佬醫生，我都系唔系幾信得過！（將頭擠入耳套間，與煥並頭同聽。） 煥：噯！到底你是醫生，還是我是醫生？（聽完收起聽筒） 張：（坐起向張太太）叫佢扯罷啦！唔使佢睇咯！ （煥以錘擊張膝。） 張：哎喲！唔傷都俾你打傷為止！ （煥掀張內衣套張頭上，檢視胸背，試按烏青。） 煥：痛不痛？痛不痛？ （張大呼。煥收起器械，向蘿蔔糕瞥了一眼。） 煥：（操蹩腳粵語）你嘅傷唔緊要，不過呢啲油膩嘅嘢，唔好食咁多，會增加你嘅體重，太肥容易血壓高，有中風危險，食呢啲嘢唔系好嘅！ 張：（大怒）乜嘢話？我鋪頭啲蘿蔔糕會食壞人？真系豈有此理！叫你嚟睇症，唔正正經經睇，仲響處指天篤地話我鋪頭啲點心唔好，快啲扯！ （煥已走出。） F.O. 第二十二場 景：店家 時：日 人：清 F.I. （清借電話打。） 清：……馬世伯，呢件事我諗來諗去，只有世伯你可以幫忙。你同我爸爸最傾得埋，同曼玲嘅爸爸又系多年老友……我知道佢地誤會相當深，不過只要世伯你肯出面調解，佢地一定會俾面你嘅！……呢次無論如何都要請世伯勉為其難至得，如果唔系，我同曼玲嘅婚事就無望啦！……（喜）咁就真系多謝曬你啦，第日我同曼玲一齊來府上向世伯當面道謝…… D.O. 第二十三場 景：李家 時：日 人：李、李太、馬 D.I. （李怒容滿面，來回走著。） 李：不行，不行！我無論如何不讓曼玲嫁到張家去做媳婦！ （李太太向坐在一旁的馬說。） 李太：你看他，還是說不明白。我已經勸過好幾次了，他們兩個老的有心病，硬要拆散兒女的婚事，你說像話嗎？ 馬：四寶，我勸你看開點吧！這年頭兒，你出去打聽打聽！年輕人誰不是婚姻自主？徵求父親的同意，還是看得起你，給你面子。再說，他們已有了相當的感情，你這時候反對也嫌遲了，難道忍心叫你女兒受這麼大的打擊？ 李太：（指門外）馬先生，曼玲已經三天沒吃飯了，也沒去上班，成天哭，你叫我怎麼辦？（自己也哭了） 馬：你瞧，你就這麼一個女兒，怎麼不心痛？ （李進退兩難，苦思。） 李太：（哭著向李）要是曼玲有什麼三長兩短，我就跟你拚了！ 馬：四寶，就算給我一點面子，這件事…… 李：好啦！好啦！你們別逼我了，這兩天搞得我飯也吃不下。 馬：四寶，那就一言為定咯，我馬上去約張三波，明天晚上我請客，讓你們當面談談。看在自己女兒分上，有什麼不能解決的問題？ D.O. 第二十四場 景：川揚菜館 時：夜 人：張、李、馬、侍者、顧客 D.I. （馬、張、李同飲。） 馬：你們兩位真是不打不相識。來，我敬你們一杯，恭喜你們結成兒女親家。 （三人共飲。） 馬：好啦，現在你們該談談怎麼辦喜事啦！ 張：都唔使點傾嘅啦，我地廣東人娶新抱，最緊要就系傾嚇女家送啲乜嘢嫁妝。 李：真巧，我們北方人嫁女兒，最要緊的是商量一下男家下多少聘禮。 張：我地廣東人對聘禮好隨便嘅啫，不過對於嫁妝就有曬規定，唔可以求求其其！ 李：我們北方人，正好相反，嫁妝有沒有倒是無所謂，對於聘禮可非常重視，因為這跟男女家雙方的體面有關，所以有一定的規矩。 馬：噢，那有些什麼東西？ 張：系咯，不妨講出來聽嚇！ （李取出一大張紙，預備宣讀。 （馬、張看見一大張紙，不禁一呆。） 李：（很隆重地讀出）六金六銀，金得要十足赤金，金鎖片至少五兩重，金手鐲至少八兩，鑽石訂婚戒指一隻，至少四克拉，鑽石表一隻，珠項圈五串，日本養珠不要，得要珍珠，翡翠別針、耳環、戒指一套，藍寶別針、耳環、戒指一套，紅寶石別針、耳環、戒指一套…… （馬、張聽得目瞪口呆。） 馬：四寶，現在不比從前北方，一切都可以簡單一點！ 李：這是我們北方的規矩！ 張：如果你地北方人娶新抱，一定要落咁多聘禮，有邊個娶得起呀？我睇怕你地啲北方人含白冷都系「私生子」都得咯！ 李：他媽的，你罵人！ 馬：三波，呢嚇系你唔啱！ 張：邊個叫佢講到離曬譜呀！ 李：我們北方的規矩是這樣的嘛！ 張：咁我又聽嚇你地北方人嫁妝規定要俾啲乜嘢？ 李：嫁妝？我早說過，我們北方人對嫁妝倒很隨便！ 張：我地廣東人又唔系噃，我地嘅嫁妝系有一定規矩！ 李：要是不照你們的規矩呢？ 張：咁你個女就一世俾人睇小。 馬：喂，三波，而家時代唔同啦，唔使咁認真嘅…… 張：（擺手）我嘅要求好合理嘅，冇佢地外江佬咁離譜。（取出一本小摺子，開始念）柚木家俬成套，紅木家俬成套，繡花棉被四條，繡花枕頭四對…… （李一拉摺子另一端，拉出幾尺，站起來越拉越長，達丈余。） 張：（繼續）繡花夾被兩條，繡花帳一幅…… 馬：（忍無可忍）噯，三波……三波…… 張：（揮手令少安毋躁）呢啲都系濕碎嘢啫，首飾嗰啲響後便…… 馬：三波，你咁即系想為難女家啫。 李：我嫁完女兒，我還過日子不過？ 張：生女本來就系蝕本貨嘅啦！ 李：你不願意結這門親，乾脆說不願意就得了，幹嗎繞這麼大圈子！（扔下摺子往外走） 馬：噯！四寶，四寶！有話好說，這又何必呢？ （李被摺子纏住雙足，狠命蹬脫走出。） F.O. 第二十五場 景：李家 時：日 人：李太、曼、煥 F.I. （煥在看報，李太太在織絨線。 （門鈴響，女傭開門，曼入。） 煥：（放下報紙，取笑曼）噯！你的那位張清文呢？是不是把他藏起來啦！我到現在還沒有見過。 曼：人家心裡煩死了，你還開玩笑！ 煥：（問李太太）怎麼？妹妹的婚事，爸爸不是已經同意了嗎？ 李太：又為了什麼嫁妝啦，聘金啦，鬧僵了！ 煥：這不是叫人笑話我們，就像我們只認得錢！ 李太：剛才馬先生又來勸，把你爸爸硬拉了去，跟清文的父親約了在咖啡館見面再談！ 曼：哦！ 李太：這回事真虧了馬先生，害人家跑了多少趟！ 曼：清文打電話來過沒有？ 李太：剛才打來的，你還沒有回來。 （曼出至穿堂打電話。） 曼：喂！清文在家嗎？……（強自鎮靜）喂！你是張老伯？（那邊已掛斷。她呆了呆，也拍的掛上電話，抬頭見李太太立在門口） 李太：又是他父親？ 曼：（點頭）真豈有此理！一聽見我聲音就掛斷了！ 李太：（奇怪）咦！怎麼他父親這時候還在家，沒上咖啡館去？ 曼：（沒好氣）誰知道！ 李太：難道又出了什麼花頭？ D.O. 第二十六場 景：咖啡館 時：日 人：李、馬、佩、煥、茶客、侍者 D.I. （馬偕李入，四望，不見張。） 李：廣東人真不守時間，這傢伙還沒有來！我不等他。（回身欲走） 馬：（拉住李）等一會好了，這有什麼關係。（拉李走向一空桌）（O.S.「馬世伯！」，二人回頭望。 （大櫥窗前一桌子。佩起身向馬招手。） 馬：（遙點頭，哈腰，詫，向李）那就是張三波的女兒。 李：（懷疑）哦？（同上前） 佩：（向馬）世伯！ 馬：這位是李先生，張小姐！ 佩：李老伯！ 馬：你爸爸呢？ 佩：我爸爸有啲唔舒服，唔嚟得，叫我做代表。 （馬、李交換一瞥，李有怒意。） 馬：你爸爸乜嘢唔舒服？緊唔緊要？ 佩：系胃痛，醫生叫佢唔好出街！ 李：那麼改天再約他。 佩：（很兇地）唔使再約第二日啦！我爸爸派我做全權代表同老伯傾嘅，老伯有乜嘢說話，請即管同我講得喇！ （李猶豫。） 馬：（向李）這樣也好，坐下談談吧！ （李、馬坐下。） 佩：（單刀直入，由手袋內取出一張紙看後說）嗰日我爸爸向老伯所提出女家嘅嫁妝問題，唔知老伯同意咗未呢？ 李：這個問題，依我看，慢慢再談好了，我們應該先談談聘金問題…… 佩：唔得！先解決咗嫁妝，再傾第二啲！ 李：你這位小姐怎麼這麼不講理！…… 佩：（大聲地）我話你唔講理就真！ （李嚇一跳。 （馬欲阻止佩。） 佩：真系估唔到，你做父母嘅，一啲都唔同你自己個女著想。你個女嫁咗嚟我地度，組織新家庭，難免要置好多嘢，如果你地嘅嫁妝樣樣齊全，你位小姐一結咗婚，就可以享受家庭嘅幸福。唔通你想你個女一嫁咗嚟我地度就冇幸福咩？ 李：（吃慌）不行，不行，小姐，我說不過你，請你等一等，我也要找個代表來跟你談。（起身走） 馬：噯，四寶！四寶！ （李已走出。） 佩：世伯，我唔得閒等，我都扯咯！ 馬：千祈唔好，你第一次替爸爸做事，點可以冇啲結果？我一定叫佢儘快來，你等我，無論如何唔好走！（趕出） （佩無奈，坐下。） Diss. （三刻鐘後，佩坐原處，面前放著兩隻空杯，靠窗另有三張桌子都坐著人，其中一桌是男女同坐，兩張是時髦的少女獨坐。 （煥入，打量靠窗座上客，走向佩。） 煥：是不是張小姐？ 佩：你系邊位？ 煥：我是李曼玲的哥哥！ 佩：哦？ 煥：我可以坐下來嗎？ （佩點點頭。 （煥見佩艷麗，迷迷糊糊地坐下。） 佩：你搵我有乜嘢事呢？ 煥：我父親叫我來代表他跟你談談。 佩：馬世伯呢？ 煥：他生氣不管了！ 佩：咁又唔怪得世伯嘅，你爸爸邊有咁，傾傾嚇唔傾，走咗去都得嘅！ （煥根本沒有聽見佩說什麼，對著佩已暈浪。 （侍者來問要什麼。） 煥：（向佩）吃點心嗎？ 佩：（搖頭）唔食咯！我已經等咗你地成個鐘頭啦！ 煥：對不起！（向侍者低聲）兩杯桔子水。 （煥再呆望佩，出神地。） 佩：（看錶）我好唔得閒，先將我爸爸提出嘅條件講俾你聽。 （煥點頭。佩由手袋取紙出。） 佩：（宣讀）第一件要解決嘅，就系你地女家嘅嫁妝問題，一定要依照我地男家提出嘅細單，不得更改。第二，婚禮要依照中國儀式，三書六禮，新娘一定要著裙褂，拜祖先。第三，新娘一定要同公婆叩頭斟茶…… （煥根本沒有聽見佩說什麼。 （侍者送來桔子水。） 煥：（迷惑地）你真漂亮！ （佩猶似觸電，放下手上紙，望一望煥，低頭喝桔子水。） 煥：你知道為什麼我進來一看見你，就知道你是張小姐？ 佩：（低聲）梗系馬世伯話你聽，我著乜嘢衫。 煥：（搖頭）他光說是靠窗坐的一位小姐。 佩：靠窗有三位小姐坐響度，你點會知道邊個系我？ 煥：因為我聽我妹妹說過，張清文的妹妹非常漂亮！ （佩微笑，低頭飲桔水，沉默片刻。） 煥：對了，剛才你說過沒有空，我們趕快把事情談一談吧！ 佩：（改說國語）不要緊，慢慢談好啦！ （暈浪地注視煥。） 煥：（由袋內取出一紙）我爸爸的條件都開出來啦，我念給你聽！ 佩：唔！（含情脈脈） 煥：我爸爸對聘金這一問題非常堅持，同時對於婚姻儀式，希望是在教堂舉行…… （煥在說話的時候，鏡頭搖到佩，依然出神地注視煥，吸著桔子水。） Diss. （煥、佩呆呆地對望，窗外天色已夜，鏡頭搖至全景，茶客已走光。） Diss. （煥、佩仍在老地方，侍者移來小檯燈，窗外天色已黑。） 侍：先生，茶市已經過咗，而家系餐舞時候，兩位仲要啲乜嘢呢？（兩人這才醒覺。） 煥：（問佩）我們在這兒吃晚飯好嗎？ （佩點點頭。 （煥向侍者取菜牌。） Diss. （音樂台上，樂師奏樂拉開，時間尚早，舞池裡人客不多。 （搖至窗前，佩、煥二人含笑，默默無言地進餐。） Diss. （二人共舞。） D.O. 第二十七場 景：張家 時：夜 人：張、張太、佩、煥、女傭 D.I. （張吃蘿蔔糕，張太太旁坐做針線。 （門鈴響，女傭開門。佩入，迷迷糊糊地走向自己臥室——可儘量誇張。 （佩經過張及張太太身邊竟如同未發覺身旁有人。 （張及張太太奇怪。） 張：阿佩，你做乜呀？ （佩繼續前行。張來至佩身邊叫。） 張：阿佩！ 佩：（這才回身望父）唔！ 張：你做乜咁樣，唔系有乜嘢唔妥喇嗎？ 佩：唔系呀！ 張：我叫你代表我去傾嗰啲嘢而家傾成點呀？ 佩：傾妥曬咯！ 張：我知道叫你啲刁蠻女仔出馬梗傾唔掂嘅，佢地應承曬我地啲條件喇嗎？ 佩：應承！大家讓步多少啦，寫曬落嚟咯，我俾你睇嚇。（開手袋取紙） 張：（一望鍾）咦，夠鍾喇。（走向無線電） 佩：（取紙交張）爸爸你睇嚇。 張：唔好嘈。（開收音機） （佩無奈將紙放回手袋，至另一邊沙發坐下。 （張邊吃蘿蔔糕，邊聽曼的節目。） O.S.曼：而家答覆劉國慶君嘅問題。劉君，我好同情你，響而家呢個二十世紀嘅原子時代，竟然仲有咁頑固嘅父親干涉仔女嘅婚姻，甚至於唔准你同女朋友通電話。我認為你父親嘅呢種行為，不但野蠻，而且系十分愚蠢嘅…… 張：咦！唔准同女朋友通電話？好似響處話我噃！ 佩：邊處系講你呀，你自己多心啫。 O.S.曼：……至於你父親，因為女家冇辦法攞出一份豐厚嘅嫁妝，就反對你嘅婚事，更加系荒唐到極點。呢種咁欺貧重富嘅行為，邊處似同仔娶新抱，直情當個仔系條件、貨物一樣，等人地出高價嚟買佢個仔…… （張怒關收音機憤憤地猛吃蘿蔔糕。） 佩：爸爸，我諗起啦，呢個女人聲好似……（突然心虛止住） 張：（劈掌）系佢啦！唔怪得越聽越似響處鬧我，一定系佢！ 張太：邊個呀？ 張：就系嗰個外江女李曼玲呀，咁你都聽唔出佢把聲？ 張太：系噃，阿清話佢系響電台度播音嘅。 張：唔怪得知我一見佢面就話點解咁面熟呢，原來系佢把聲好熟……（對張太太）你睇嚇你中意嘅嗰個寶貝新抱呀，居然公開響電台度鬧我，仲成世界嘅，等阿清番嚟，我要問嚇佢至得……（突然）噯喲，噯喲！（置箸捧心叫痛） 張太：做乜嘢？又是胃痛呀？ 張：胃乜嘢痛呀，俾個衰女激到我心痛就真！ （張太太忙扶張躺下。） 佩：使唔使叫醫生嚟同爸爸睇嚇？ 張太：咁夜去邊度搵醫生出診呀？ 佩：我介紹個醫生俾爸爸喇，佢一定肯嚟嘅。 張太：咁快啲去喇。 （佩打電話。） Diss. （半小時後，張蓋氈臥沙發，張太太旁坐。佩導煥入。） 佩：爸爸，呢位系李醫生。 張：（坐起）乜又系呢個黃綠醫生呀，唔使佢睇咯，快啲叫佢扯。 佩：爸爸，李醫生特登趕嚟同你睇病，做乜你咁冇禮貌啫！ 張：你明知我唔中意啲外江佬醫生，仲叫佢嚟做乜？ 張太：咁夜搵唔到廣東醫生啦嘛！ 張：佢話叫我唔好食蘿蔔糕，食多咗會中風，我食咗咁多年傷風都未試過，你話呢啲醫生信唔信得過呀？（向煥）扯！ （煥笑笑提皮包向外走。） 張太：（向煥抱歉地）真系對唔住，上一次啲出診費同呢次計埋一齊啦！ 喚：不不，不用了。 張：你叫我唔好食蘿蔔糕，我偏偏食多啲俾你睇。（吃糕） 佩：（用國語）今天真是對不起，爸爸就是這樣，對外省人有偏見。 煥：我知道，我知道。（出） （佩送出。） F.O. 第二十八場 景：張家 時：日 人：清、佩 F.I. （清來至門口，見佩穿著整齊由臥室出。） 清：出街呀？ 佩：唔！去睇醫生。 清：呢兩日辛苦你啦，累你要去睇醫生。 佩：你知道就好啦！ 清：第日我請你飲茶。 佩：（點頭）唔好唔記得。 （二人出門。） D.O. 第二十九場 景：姻緣道 時：夜 人：清、曼、佩、煥 D.I. （清來大石前眺望月色，燃紙菸。 （忽有一雙手由背後矇住清眼。清舉手捉曼，菸頭碰著曼手。） 曼：噯喲。（鬆手） 清：（驚）有冇烙親呀？ 曼：沒有！ （清不信，抓住曼手反覆看，試探地用手指撫了撫一塊痕跡，吻曼手。 （二人終於並肩走。） 清：我地嘅婚事，好似羅密歐與朱麗葉一樣，要經過咁多艱難。（前面另一對在走，語聲依稀可辨。） 女：（國語）我真佩服你妹妹那麼能幹！ 男：（粵語）冇你咁能幹！ 女：我爸爸老罵我刁蠻。 男：你外表或者刁蠻，其實好溫柔。 女：（詫笑）我溫柔？ 男：唔！只有我知道。 （二人並頭走。） 曼：噯，除了我們還有這麼南腔北調的一對。 （清、曼繼續走，經過另一對，發現乃煥、佩。） 曼，清：（同聲）是你！ 清：（向佩）乜你話出街睇醫生，原來系睇呢個醫生呀？ 佩：你呢，日日話有事，走嚟呢處拍拖。 清：咁你又嚟呢處做乜嘢呀？ 佩：我嚟搵你咯。 清：搵我做乜嘢呀？ 佩：嚟話俾你知爸爸就快嚟呢處搵你地呀！ 煥：別理他，老伯給她勸的已經回心轉意了。 佩：（指煥）李老伯都俾佢勸掂咗啫。 曼：（向清）就是還心痛他那棵小樹，你買一盆來送給他吧。 清：好！好！ D.O. 第三十場 景：李家 時：日 人：李，李太，張，張太，煥，馬，曼，女傭，工役數人 D.I. （李太太在布置茶點，李在一角穿著汗衫，一面看報，一面吃臭豆腐。 （門鈴響。李太太開門，數工役搬二大樹入。） 李：這是什麼？ 李太：（看卡片）清文送給你的。 李：哦？（大喜，即放下手上報紙，指揮工役——報紙正好蓋上臭豆腐）擱這兒！擱這兒！（又挪開一張桌子）這一棵擱這兒！ 李太：你快進去換衣服吧，清文的爸爸媽媽一會兒就來了。 李：我知道，等一會兒好了。（摸錢給工役，摸來摸去摸不出） （二工役正好站在臭豆腐旁邊，但臭豆腐給報遮住，二工役未發覺。） 工役甲：（低聲問）乜嘢味呀？臭臭地嘅。 （李摸錢出賞工役，工役去。李鑑賞樹，已忘卻臭豆腐。） 李：（夢幻地）我那一棵要是沒死也有這麼高了。 （門鈴響。李太太忙推李入內。 （李太太開門，馬伴張夫婦入。） 馬：李太太，你看張先生張太太親自上門來求親來了。 （眾笑。） 李太：請坐，請坐！ 張太：你地小姐呢？ 李太：在廚房忙著做蘿蔔糕呢。 張太：（向張）聽見未呀？ 李太：（向內喚）煥襄！（沒有應聲，向馬）我去叫煥襄出來見見張先生。 （李太太入。） 張：（聞到臭味）做乜臭臭地？ 張太：（嗅）系噃！ （馬取走報紙發現臭豆腐。） 張：原來系臭豆腐，啲北方人真系唔講衛生，咁嘅嘢都食得嘅！ （張掩鼻，張太太作手勢勸阻之。） 馬：臭豆腐聞嚇覺得臭，食落口香。 （李太太同煥出。） 李太：快見見張老伯，張伯母。（指煥）這是我們曼玲的哥哥。 張：嚇，又碰到呢個黃綠醫生喇！ 馬：喂！三波，咪成日咁得！ 張：你話蘿蔔糕唔衛生，咁你自己屋企又整嚟食？ （煥笑。） 張：我話你地啲臭豆腐唔衛生就真！（指指台上臭豆腐掩鼻） （李太太急忙取走臭豆腐。女傭送茶入，李太太敬煙，混了過去。） 馬：（拉煥至一邊，低聲笑）這位張先生一次次的侮辱你，你倒不生氣。 煥：誰叫他是我妹妹的公公呢！ （這一邊。） 張太：你地位少爺娶咗新抱未呀？ 李太：還沒有呢！張伯母介紹一個給煥襄吧！ 張：（低聲）好多人嫁俾呢個黃綠醫生咯！ （張太太暗中阻止。 （李出，呵腰，向各人招呼一番。） 李：馬先生是大媒，十五那天叫曼玲多敬你幾杯酒。 馬：你們訂婚酒在哪兒擺？ 張：當然響我鋪頭擺啦。 李：什麼？訂婚酒在你那兒擺？ 張：梗系啦，我個仔娶新抱噃！如果響第二度擺酒，咁我間鋪頭以後唔使做生意都得咯。 李：那可不行！我是開飯館的，我嫁女兒酒席在別人鋪子裡擺，我以後生意不用做啦？ （二人爭吵，馬急勸。） 馬：得得，都是自己人好商量。 李：（向馬）不是商量不商量的問題，得講道理！ 張：（向馬）如果講道理就應該響我處擺酒。 馬：好好，算喇，算喇！ 李：我的親戚，上你那兒吃廣東菜，以後我還有臉見他們沒有？ 張：咁我嘅親戚食你地啲北方菜，我以後唔使做人都得咯，淨系睇見你地嗰味臭豆腐就走夾唔抖啦！ 李：告訴你張三波，別的我李四寶都可以讓步，就是這一點不能讓步。 張：你唔肯讓步，唔通我又肯咩？話俾你聽，如果響你處擺酒就一千個一萬個「唔得」。 （李太太與煥面面相覷。） 馬：好了，好了，你們兩親家鬧什麼呀？ 李：什麼親家？要是他一定要我下不來台，咱們這頭親事就算吹了。 張：吹唔系吹！你估我好緊呀，呢頭親事一於取消！（拉張太太）我地扯！（同出） 馬：（氣得雙手直掉）我這回再也不管了。 （曼正捧一盤熱騰騰的糕入，見狀怔住。） D.O. 第三十一場 景：姻緣道 時：夜 人：佩、煥、清、曼 D.I. （二對情人，默默並行，曼、佩挽臂居中，清、煥在旁。） 佩：（突然）我諗到一個辦法啦。 （四顆頭湊在一起聽她說。） F.O. 第三十二場 景：張家客室 時：日 人：張、張太、佩 F.I. （張夫婦同坐，張看報。 （佩在房中探頭出看張夫婦動靜。佩略思後取一空皮箱故作神秘地偷偷出。 （佩偷偷由張夫婦身後過，故意給張看見。） 張：阿佩！你揸住只皮喼去邊處呀？ 佩：唔去邊處呀！阿哥話執行李唔夠皮喼用同我借一個啫嘛！（說完作失言狀掩嘴） 張太：你阿哥執行李？ 張：佢為乜事要執行李呀？ 佩：（吞吞吐吐）唔系呀！唔……唔系執行李，佢同我借只皮喼去擠……擠書……啫嘛！ 張：阿清會同你借皮喼擠書？分明講大話，快啲講俾我知阿清為乜事要執行李。 佩：我……我唔知呀，淨系知道佢執行李啫，唔……唔知佢為乜事呢？ 張：我睇你地兩個梗有古怪嘅，你一定有嘢瞞住唔話俾我聽！ 張太：系咯。 佩：冇嘢呀，阿哥今朝去銀行提曬啲存款出嚟……（又作失言狀）唔，唔，咁就同我借皮喼，冇事呀！（匆匆欲走） 張：阿佩，唔好行住。 （佩停住步。） 張：你阿哥為乜事要提曬存款出嚟？ 佩：佢想同李曼玲私奔啫嘛！……（急掩嘴） （張夫婦大驚。） 張太：私奔？！ 佩：唔系呀，唔系呀，我講錯咗，冇件咁嘅事，冇，冇。 張：蝦，你個衰女仲幫佢瞞住我地系嗎？ 佩：唔……唔系呀！ 張：（大聲）仲話唔系！ （張太太拉佩至一邊。） 張太：阿佩，你乖乖地話俾阿媽知啦，阿清系唔系真系想私奔啫？（佩遲疑。） 張太：講啦。（逼佩） 佩：嗱，你千祈唔好話我講嚇。 張太：我唔話，我唔話。 （張緊張地望佩。 （佩點點頭。） 張太：（大驚）死咯，阿清真系想私奔，咁點搞呀？ 張：叫佢出來，等我教訓嚇佢至得。 佩：千祈唔好呀，阿哥知道系我講俾你地知，怨死我呀！ 張太：系咯，事到如今發脾氣都冇用，如果叫阿清出嚟講穿咗仲好。 張：又系噃。（思對策） （佩暗暗偷笑。） 張太：（哭說）死咯！如果搞出事，俾啲親戚知道笑大人個口咯。（向張）一日都系你，邊度擺酒唔好呀，而家搞成咁，點算呢？ 張：你唔好嘈，我響處想緊辦法！ D.O. 第三十三場 景：李家客廳 時：日 人：李、李太、煥、女傭、張 D.I. （煥在穿堂向客廳偷偷張望。 （李正由房出，找水灌樹。 （煥知時機已到，即取起電話聽筒，空撥幾個號碼。） 煥：（故意大聲打電話）喂！是張家嗎？請張清文聽電話…… （李聞聲覺奇，走向門邊。） 煥：……喂，清文嗎？你等一等，我看看有沒有人，不要讓旁人聽見…… （李正欲走出門口，聞言急躲在門邊偷聽。 （李的動作全為煥看見，知計已成。） 煥：……清文，沒有人，你說好啦……唔……唔…… （李太太出，見李怪狀，上前欲問，李止李太太出聲，並以手勢示李太太，二人一起偷聽。） 煥：……船票你已經買好了？……錢夠不夠用？……夠幾個月用？那就好啦！……唔……你說…… （李夫婦緊張。） 煥：晚上八點鐘叫曼玲在大門口等你，你接她到碼頭去……好……我告訴她……你放心好了，沒有人聽見……再見！ （煥掛斷電話。） 李太：不好了，四寶你聽見沒有？ 李：好小子，打算拐走我的女兒！我去報差館。 （轉身出門與煥撞個滿懷。） 煥：爸爸！你幹什麼？ 李：幹什麼？問你呀，你知道張清文這小子要跟曼玲私奔，你非但不告訴我，還幫著他們…… 煥：沒有呀！ 李：還說沒有！ 李太：你剛才打的電話，我跟你爸爸全聽見啦。 煥：（故作失驚狀）糟了！ 李：我現在去報差館拉那個張清文小子！ 煥：（急攔住李）爸爸！你先別著急，這……這…… 李太：對了，不能急，鬧出去我們的名聲也不好聽。 李：（大聲）曼玲呢？快去看著她，別叫她跑了！ 李太：咳，這孩子，（哭）這要是叫人知道了還得了！ （門鈴響。女傭入。） 女傭：張先生的爸爸來了。 （眾一怔。） 李：好，來得正好，我正要找他說話！ 煥：爸爸，這不是發脾氣的時候，得另想辦法。 李：（略思）我有辦法，你們都走開，瞧我的。（向女傭）開門讓他進來！ （女傭出。） 煥：（打量了李一下拉李太太）媽——（引李太太同入內室） （張入，呵腰含笑。李鞠躬笑迎。） 李：噯，張大哥，請坐，請坐。 張：李老哥，嗰日嘅事我番去諗嚇系我唔啱，所以今日特登嚟向你道歉，請你多多原諒。 李：哪裡！哪裡！都是我不好，正要來給你道歉！ 張：李老哥你太客氣啦。 李：（低聲湊近）那天都是我太太…… 張：女人個個都系咁嘅咯，心胸窄，嗰日我亦系因為我太太！ 李：那我們是同病相憐了。 張：系咯，一日都系我太太，佢話一定要響自己鋪頭擺酒！其實我冇所謂嘅。 李：那好極了，那麼這回你偏不聽她的話在我那兒擺，這樣可以給你太太一個教訓。 張：唔……呢個辦法好就幾好，不過咁做法豈不是長咗你位太太嘅威風？咁你第日就更加管佢唔掂嘅啦！ 李：（強笑）噯，我倒沒有想到這一點。 張：我有個折衷嘅辦法，你睇咁好唔好？（耳語） 李：（喜拍張肩）虧你想得出，張大哥，真有你的！ F.O. 第三十四場 景：南興酒家內 時：夜 人：張、張太、李、李太、曼、煥、清、佩、馬、吳、賓客、侍者 F.I. （南興酒家招牌搖至花牌，寫著張府、李府宴客。） Diss. （南興館內擺訂婚酒，賀客們已入席，紛紛在吃「熱葷」。張、李招待。） 一賀客：（操國語）我真不懂，四寶嫁女兒怎麼不在自己北順樓請客，倒在這兒。 另一賀客：（亦操國語）我也不懂！ 張：（起立）各位親友，「熱葷」各位已經食過啦，下一個菜唔響小店食，請各位到隔離北順樓食。 （眾鬨笑起立。） C.O. 第三十五場 景：酒家連街道 時：夜 人：同上場 C.I. （街上，兩家主人招呼賀客們走向北順。 （一老婦由媳扶，一孕婦偕夫行。） C.O. 第三十六場 景：北順樓內 時：夜 人：同上場 C.I. （北順樓中，張、李讓客入席。） 李：（起立）下一道菜是我們北方菜里最名貴的一道菜…… 李太：你反正老王賣瓜，自賣自誇也不害臊！ 煥：這樣吧，爸爸你介紹那邊南興的菜，讓張老伯介紹這邊的菜。 佩：系咯，咁至夠大方喇嘛。（向張）爸爸，你講啦！ 張：（起立，不情願地讀李交來菜單）呢一道菜叫做「一品雪燕」，系有名嘅北方菜，燕即系燕窩，食咗補身嘅，食完唔使食補藥。（佩拉他坐下，餵他一匙。他皺眉，低聲）藥都冇佢咁難食！（佩瞪他一眼。） 李：請請請！ （各人紛紛吃菜。） Diss. （隔了一會——） 李：（起立）「一品雪燕」諸位已經吃過，下一道菜請到南興酒家去吃。（眾鬨笑，起立走。 （張拉佩走。） 佩：爸爸，我都未食完。 張：有乜好食呀，去自己鋪頭食靚嘢啦嘛。 佩：我中意食北方菜呀。 （張氣結，奪箸，拖佩走。） C.O. 第三十七場 景：酒家連街道 時：夜 人：同上場 C.I. （街上，拖兒帶女的一群走向南興，老太太被子媳兩邊扶架著走。（眾回顧見孕婦落後，夫趕回扶。） C.O. 第三十八場 景：南興酒家內 時：夜 人：同上場 C.I. （南興內——眾入席。） 李：（起立讀菜單，咬牙切齒）下一道菜是廣州名菜「鳳冠鮑脯」。（攢眉）鮑脯用的是網鮑，網鮑的價錢很貴，現在要賣××元錢一斤。待會兒諸位要是覺得一盆鮑脯只有薄薄的幾片，請諸位多多原諒！ （張不覺瞪視李。 （侍者上菜。） Diss. （「鳳冠鮑脯」將吃完。） 張：（起立）跟住下一道菜請各位過隔離北順樓去食。 （賀客們一哄而起。） C.O. 第三十九場 景：酒家連街道 時：夜 人：同上場 C.I （街上又是一幅流民圖，走向北順。） 老太太：（氣喘吁吁）咁食法真系前世咯！ （南興館四侍者將孕婦連椅抬入北順。） C.O. 第四十場 景：北順樓 時：夜 人：同上場 C.I. （北順樓內眾人入席。） 張：（起立，咬牙切齒念菜單）呢一道菜，系京菜館大名鼎鼎威震國際嘅北京填鴨。（坐） （李敬張一筷。） 張：（懷疑地嘗鴨，取笑地）噯，李老哥，聽講你地啲填鴨其實系鵝嚟嘅，系唔系呀？ 李：這是哪兒的話，你聽誰說的？ 張：（故意）你舊時個領班小吳話嘅。 李：小吳？這沒良心的東西，居然還造我的謠言？ 馬：得得，自己人說說笑話，你還認真？ 張：系咯，講笑啫。 李：（忍氣舉箸）請請！ D.O. 第四十一場 景：酒家連街道 時：夜 人：同上場 D.I. （街上賀客們扶老攜幼又回到南興。 （老太太疲於奔命，半路上由子背在背上。 （最後由北順樓侍者們抬孕婦椅出，入南興。 （空場片刻——南興門內忽然跑出個小吳來，落荒而走，領班帽子落地也不及拾。 （李由南興追出，見吳已遠去，回身入南興。） F.O. 第四十二場 景：張家 時：日 人：張、張太、李、李太、曼、清 F.I. （清陪李夫婦與曼入己室，張夫婦含笑立門口。） 李太：就是這間房做新房？ （清點頭。） 李：太小了！ 李太：家具怎麼擺得下？ （曼見桌上陳設著她的照片，取視。） 李：這房間怎麼能住？ 清：呢間房一直系我住嘅！ 張太：（沉湎在回憶中）阿清自細就住呢間房，住到而家咁大嘅啦。 李太：太小了。 李：剛才的那間做新房還差不多。 清：頭先嗰間？唔得！嗰間系我爸爸媽媽住。 張：去我間房坐下。（讓李夫婦與曼入己室） （張太太讓坐。） 李：（四顧）光線不好！ 李太：老房子都是這樣！ 李：我看就把這間做新房吧。 張：唔得，呢間房系我兩公婆住。 李：你們可以先搬到那邊住著，讓給他們辦喜事。 清：（不耐）咁唔得，點可以要我爸爸媽媽讓間房俾我啫？ 曼：（反感）清文，你說話怎麼這樣？ 清：唔通為著我地結婚要勞煩佢地老人家搬房？ 曼：我是說你態度不好。 清：我嘅態度點唔好呀？ （二人吵著走出房去。） 李：好哇，我女兒還沒嫁給他，已經拿出這副腔調來了，將來還得了。 張太：啊呀？！我嘅仔有乜嘢咁唔好呀？ 李：（對李太太）看見沒有？太太，將來他們老夫妻倆一定打伙兒護著兒子欺負我們女兒。 張：你仲好講，你個女都未過門就教定佢第日唔使孝順家公家婆，等過咗門仲得了嘅！ （各人望室外，見清、曼仍在門外爭吵，曼面部為清遮住。） 曼：好，好，你們一家子本來親親熱熱的，我本來是外人，我走得了。 （脫戒指還清） （清、曼走出各人視線。） 張：（喜）呵，散檔咯！ 李：（喜）好，好，吹了，吹了！（拉李太太）走，走，帶曼玲回去。 張：唔送！好行，真系謝天謝地咯！ （各人走出房門才發現曼、清二人在清房內接吻。 （張、李倒抽一口氣。 （李走向沙發踏著一塊鬆了的柚木地板，差些跌了一交。） 李太：（急上前扶李）小心！怎麼啦？ 李：（看看地板）這種屋子怎麼能住人，差點沒把我摔死！ 張：我地啲舊樓系咁樣嘅啦！ 李：要是我女兒嫁過來，天天都得小心受傷，太危險啦！（取雪茄出） 張：（沒好氣）講咁多做乜嘢？如果你要間屋夠大，又要間屋冇危險，又要間屋夠光線，唔啱你自己去買層樓俾你個女做嫁妝啦。（為李點雪茄） 李：好，我就買層樓給曼玲做嫁妝。 F.O. 第四十三場 景：教堂 時：日 人：曼、佩、清、煥、李、李太、張、張太、神父、樂師 F.I. （大鬍子神父與張、李夫婦、曼、佩、煥演習婚禮，佩、煥為伴娘伴郎——清尚未到場。 （張身穿大禮服渾身不舒服。） 張：都唔知邊個興出行呢啲咁嘅西式婚禮，著起套衫周身唔聚財！ 張太：（指李）你睇嚇人地著得幾自然！ 張：佢！佢又點同呢！佢平日響鋪頭就成日著住呢啲衫嘅啦！ 張太：做乜清文仲未嚟到？而家幾點啦？ （張看錶。） 神父：再來一次！（向樂師點頭） （奏《婚禮進行曲》，新娘的行列開始。） 神父：（指揮）慢點！慢點！——太快啦！（示意樂師暫停，來至李前）你跟新娘走得太快，跟伴娘的距離太近。 李：那不關我事！是伴娘走得太慢！ 佩：（很兇地）乜嘢話？你話我走得慢？ 李：你走快一點距離不就對了？ 佩：（雙手叉腰）唔通我背後有眼？我點知你行得快定慢呀，我系跟住音樂拍子走嘅嘛！ （李不敢聲張。） 張太：（阻止佩）阿佩！唔好咁！ （佩憤憤不平。李轉向曼說。） 李：那一定是你走得太快啦！ （曼不作聲。） 煥：爸爸，是你太快還怪妹妹！ 張太：（笑向李太太）你地曼玲嘅脾氣真系好啦。 李太：噯，我們曼玲別的好處沒有，就是脾氣好。 （清入。） 曼：（氣洶洶地）你怎麼這時候才來？大家都在這兒等你一個人！ 清：碰啱有啲緊要事，行唔開啦嘛！ 曼：是是，你的事要緊，我們結婚的事不要緊！（將手中花束向地上一扔，往旁邊椅上一坐） （張太太、李太太看得目瞪口呆。） 李太：（窘）曼玲，你今天怎麼了？脾氣這麼大。 （曼流淚，佩忙勸慰，清愧悔。） 李：好了，好了，快點練習吧，神父還有事，一會兒得走了。 神父：先練戒指那一段。（拉各人至指定地點）新郎——新娘——伴郎——伴娘—— 煥：（摸袋恐慌，問清）戒指呢？ 清：擒日唔系交咗俾你咯？ 煥：糟啦，忘了帶來！ 李太：你看你這兩天怎麼失魂落魄的？ 李：又不是你結婚！ （佩臉上反應。） 曼：先用我這戒指吧！（脫下給煥） （神父念誦數句，煥持戒指忘情，代佩套指上，眾詫笑。 （佩羞。曼打煥一下。） 曼：你怎麼了？ 煥：（窘，忙給佩褪下，交清）都是你不來，一趟趟地叫我代，把我搞糊塗了！ （清代曼戴戒。） 神父：再從頭排一次！ （樂起，新娘行列開始。） 張：（在一旁縮頭，扭頭）勒實曬，真系論盡，（試活動兩臂）成個人好似五花大綁咁！ 神父：噓！要說話出去說，你不是一定要在這兒！ 李：這兒沒你的事！ 神父：新郎的父親本來不重要，不像新娘的父親。 （李得意，更挺胸疊肚。張怒。） 張：我唔重要，又要我特登訂造套大禮服？ 張太：邊個叫你咁肥呀，租唔到就只有訂造咯。 張：真系神經啦，做套咁嘅衫著一次，嗰條數我都唔知同邊個計好。 神父：叫你別說話，倒更加話多，出去，出去。 （張憤憤出。） D.O. 第四十四場 景：酒家連街道 時：日 人：張、路人 D.I. （張穿著大禮服匆匆走入南興。） C.O. 第四十五場 景：南興酒家內 時：日 人：張、清、王、三號侍者、顧客 C.I. （張穿禮服入南興。熟客王先生向他招呼。） 王：咦！張老闆今日做乜執得咁正呀？ 張：唉！唔好提啦。（來王對面坐下） 王：系唔系慶祝勝利呀？ 張：慶祝勝利？乜嘢勝利呀？ 王：隔離嗰間北順樓俾你打淋咗喇嘛！ 張：乜嘢話？隔離…… 王：你唔知咩？北順樓唔夠你做，而家搵人頂手呀！ 張：真嘅！（一則以喜，一則以憂） 王：（拍張肩）啲外江佬唔夠你斗嘅，一味充闊，有乜辦法唔執笠呀，都系你好嘢。 張：北順樓真系要執笠？ 王：系，千真萬確，乜你聽見唔高興咩？ 張：我同北順樓個李四寶而家已經成咗親家啦。 王：啊？！ 張：佢嘅女嫁俾我嘅仔做老婆，呢件嘢親家上頭，我要幫嚇佢手至得嘅。喂！究竟點解會執笠？ 王：對唔住噃，我唔知你地已經系兩親家。 張：唔緊要，呢件事我而家既然知道梗系要關心嚇嘅！ 王：我都唔系十分清楚。（又拍張背）怕乜嘢呀？驚你個親家要嚟你度黐餐咩？ 張：（苦笑）王先生成日講笑。 （三號侍者送兩個菜上來。） 三號：呢兩個菜系送俾王先生食嘅，唔收錢。（張詫） 王：咦！做乜咁客氣呀？ 張：（忍痛）應該嘅，應該嘅，請便。（起，走開，附聲間三號）喂！為乜事要送菜呀？ 三號：系領班吳先生交帶嘅。 張：小吳交帶嘅？佢做乜嘢咁大方呀？ 三號：今日佢對王先生系特別客氣啲嘅。 張：點解呀，系唔系個王先生貼士俾得多？ 三號：（搖頭）唔系！（四顧低聲）領班想拉呢位王先生做股東去頂咗間北順樓落嚟。 張：乜話？佢想自己做老闆？ 三號：系！佢仲拉埋我地大師傅同佢合股添，預備頂咗落嚟開廣東菜館。 張：佢都開廣東館？ 三號：系呀！ 張：（恨恨地）好嘢！挖我嘅大師傅響我隔離開廣東菜館？！（突然故意地向三號）你點會知道？ 三號：點會唔知啫？佢想拉埋我一齊做啦嘛。 張：（不屑地）佢拉你入股？ 三號：系，全間南興啲人佢個個都拉嚟。 張：咁你入咗股未呀？ 三號：我邊有錢入股呀？我一個月的人工，攞番去剩系食都未夠呀！ 張：唔好嘈，第二個月起加你五文一個月人工。 三號：加十文喇老闆。 張：七文，唔好話俾人知。 （張匆匆打電話。） Diss. （清入，張迎上。） 清：爸爸搵我有乜嘢事呀？ 張：我頭先聽到話你外父嗰間北順樓要出頂！ 清：（驚異）系？ 張：佢地冇話俾你知呀？ 清：冇，我想曼玲都會唔知，我剩系聽聞話佢爸爸為咗辦嫁妝，欠落一身債就有。 張：唉！咁佢又做乜咁闊佬仲要買層樓做嫁妝呀？ 清：爸爸，我諗佢一定系冇錢又要頂硬上，夾硬將北順樓讓咗俾人，攞筆錢嚟買樓，你話系唔系嗱？ 張：九成系啦，佢份人我都睇穿曬佢嘅啦。阿清，我地要想個辦法嚟幫嚇佢，無論如何唔俾佢間鋪頭執笠至得。 清：（感動）爸爸，我今日先至知你心地咁好嘅。 張：（有點不好意思，揮手）我一向都系咁嘅。 清：爸爸，唔啱我去叫佢唔好買樓啦。 張：冇用嘅，啲外江佬死要面子，你咁同佢話，佢未必肯。 清：唔啱我去話我地唔想同佢父母住開第二處，一定要住埋一齊，咁佢見風駛一定應承唔買樓嘅啦。 張：（大喜）呢個辦法幾好。 清：咁我而家即刻去。 （清匆匆出。） C.O. 第四十六場 景：酒家連街道 時：日 人：清、吳、張、路人 C.I. （清匆匆出南興，遠去。（片刻——（南興門內忽然跑出小吳來，落荒而走，領班帽子落地也不及拾。（張由南興追出，見吳已遠去，回身入南興。） D.O. 第四十七場 景：教堂 時：日 人：李、李太、張、張太、曼、佩、清、煥、馬、神父、親友、樂師 D.I. （教堂外鐘樓，鐘聲響亮。） Diss. （教堂內曼步向神壇——面色莊嚴，喜悅中，眼眶含有熱淚，鏡頭慢慢隨著曼走。 （鏡頭搖至坐在一旁的李太太——頻頻拭淚。） D.O. 第四十八場 景：張家——清房 時：夜 人：曼、佩、清、煥、張、張太、李、李太、喜娘、親友 D.I. （清房內已布置一新，喜燭高燒。 （曼穿大紅褂裙與清同坐。喜娘抓喜果敬新人。） 喜娘：姑爺、姑娘，食點蜜棗蓮子啦，恭祝姑娘早生貴子…… （曼羞笑。） O.S.佩：食多點蘿蔔糕啦，祝你地白頭到老步步高升…… （曼、清望。 （佩率大批親友入，鬧新房。） 佩：阿嫂呀，你今日咁嘅打扮應該俾你嘅聽眾睇嚇，等佢地知道而家原子時代一樣有咁好嘅新抱。 （曼窘，各親友起鬨。 （張夫婦、李夫婦入。） 佩：叫我阿嫂報告戀愛經過，你地話好唔好？ （各人再起鬨。 （佩拉曼起，曼掙扎。） 喜娘：小姐，咁點得呀，新娘怕丑嘅。 佩：我地阿嫂做新娘唔同嘅，佢都響電台度講慣嘅咯。 喜娘：（發現張夫婦）呀！老爺奶奶嚟啦，（代曼解圍）更加唔講得咯。老爺奶奶請坐啦。 佩：（向曼）我爸爸系你嘅聽眾嚟，只要你唔鬧佢，佢都中意聽你講嘅，（拉曼）講啦！ 張：（向張太太）你睇嚇個刁蠻女。 張太：阿佩，唔好咁啦，你睇嚇你阿嫂頭髮都俾你整亂啦。 （佩助曼整理頭髮和發上珠花。） 曼：（低聲咬牙）你這樣可惡，將來還想嫁給我哥哥？ 佩：（也低聲笑說）而家你都嫁咗嚟我地張家咯，李家嘅事唔到你管咯！ 曼：你等著瞧，等你做新娘子的時候看我報仇。 喜娘：（持茶盤入，向曼）姑娘要敬茶啦。 （喜娘扶曼來至張夫婦前。） 喜娘：老爺奶奶飲茶啦。（拉曼衣襟） （曼向張夫婦一鞠躬，張夫婦取茶喝。） 李：咦！剛才不是敬過茶了嗎？怎麼又要敬啦？ （佩聽見，怒目向李。） 佩：乜你咁都唔識，人客入到嚟新房梗要敬茶嘛！ （李見佩怕，不敢聲張。） 佩：呢啲系規矩嚟嘅。 （喜娘拉曼至每一親友前敬茶行禮。） 李：（向李太太）這……這簡直是折磨我的女兒嘛。 （李太太忙拉他袖子，李始住聲。 （李來至張前對張說。） 李：那不行，這樣太不公平啦，我要新郎也給我敬茶。 張：冇呢啲規矩嘅，因住笑大人個口。 李：為什麼？女婿有半子之分，給我倒茶都不肯，太瞧不起我這老丈人啦。 （曼已停止敬茶，因各人都在看張、李爭吵。 （曼看著干著急，向站在一旁頗尷尬的清耳語。清奔向張太太。） 煥：爸爸你別鬧好不好？ 李：不是鬧，這太不公平啦！ 張太：（聞清耳語後）咁啦，唔啱叫阿佩斟茶俾親家老爺啦。 李：（怕佩）噯噯，沒這道理。 張太：當佢替佢哥哥啦，（取茶給佩）去啦，去啦！（推佩）（佩很勉強地送茶給李。） 李：噯！不敢當！不敢當！ D.O. 第四十九場 景：機場送機處 時：日 人：張、張太、李、李太、曼、清、煥、佩、機場人員、搭客 D.I. （張、李兩對夫婦與煥、佩揮手送曼、清入候機室。） 煥：我們上去看飛機起飛。 李：你們去吧，我爬不動樓梯。 張：我都唔上去咯，呢幾日辛苦過頭。（自捶腰） 李：好容易忙得他們度蜜月去了，我們可該歇歇了。 張：系咯，認真要抖嚇至得。 李：張大哥，我們上歐心吃飯去，我請你。 張：好呀，去啦。（向妻女）你地自己番去啦。 （張、李互挽出。） D.O. 第五十場 景：歐心西餐館 時：日 人：張、李、煥、佩 D.I. （張、李同飲。） 李：這一晌可是夠受！ 張：系咯，忙到我連鋪頭嘅事都唔得閒理。 李：忙得我都瘦得不成樣子。 張：我由二十歲起到而家從來都未曾試過咁瘦嘅！ 李：好容易總算把他們這樁事做好了。 張：我地做父母嘅總算對得住啲仔女咯！ 李：（讀菜單）嘖嘖，一杯咖啡賣五塊二！？ 張：（讀菜單）嘩！十六文一個豬排！？ 李：排骨肉才三塊二一斤，一盤排骨頂多九兩，（心裡念念有詞）要不了一塊八。 張：咦，賺十幾個開噃！ 李：我們沒法跟他們此！ 張：唔夠佢地做咯。 （煥、佩同來。） 佩：爸爸！ （李一看見佩就怕。） 張：咦！你地點會搵到嚟？ 李：坐坐！（煥代佩拉椅） 煥：爸爸，張老伯——我們決定結婚。 （李大驚，望佩。 （佩怒，目視李，嚇得李不敢正視。） 張：（向佩）乜你嫁俾呢個黃綠醫生呀！（癱倒座上） 佩：爸爸，做乜你又叫佢做黃綠醫生啫？（向煥）你倒不生氣！ 煥：誰叫他是我的丈人呢？ 佩：（發現張、李已雙雙暈倒）爸爸！ 煥：爸爸！ （兩人忙攙扶，灌水、灑水、把脈。） 劇終 ＊國際電影懋業有限公司油印本（據此所攝影片於一九六二年十月公映）。