荔鏡記 · 第三十三出 計議歸寧

【西地錦】 （生）更深寂靜（什靜）斷人行，心悶懨懨為著人情。 （旦）那為二邊好恩愛，果然色膽不驚。 恁今相惜如惜金。 （生）恩愛做卜海樣深。 （旦）今冥還恁鴛鴦債。 （生）風流做鬼也甘心。 （旦）三哥，你共阮爹赤水收租（莊），因乜先返來？ （生）娘仔聽說，我去赤水莊上（莊上），五百田客等接，當你爹面盡叫我做三爹。我見不好立起，即假病辭你爹返來。 （旦）三哥，人說：河狹水緊，人急計生。 （生）娘仔因何說只二（三）句？ （旦）林厝擇只九月卜娶親（青），卜做★(左人右再)好？今有乜思量？ （生）既然障說，我有思量。趁你爹在莊上未返，你共阮走去泉州。待林厝卜娶親，惹起告狀，你爹定賠伊聘禮。待許時事志完了，即返來。娘仔你心中是★(左人右再)樣？ （旦）古人說：話說卜斷，路行卜遠。你只處都只樣，到恁厝三言二語，到許時即見苦。 （生）娘仔啞，想陳三也不是三心二意（幸）的（個）人。 （旦）既然障說，待阮叫益春出來商量。 （旦叫貼上）聽見娘仔叫，輕步躡腳（踗腳）行。啞娘叫簡乜事？ （旦）來，益春，因林厝擇九月卜娶親，做★(左人右再)得好！三哥甲我共伊走去泉州，我心中愛得共你相伴去，你心中★(左人右再)樣？ （貼）啞娘，你都不見古人說：共君困＜困＞破九領席，知君心腹乜落著？共人好不通好到盡，伊泉州怯。啞娘，你乞伊騙值處去賣除即好。 （旦）想三哥不是許一等樣人。益春，你莫疑可過，你共阮到泉州，天大事也莫煩惱，自有人耽帶（擔帶）。 （貼）你那卜去，做★(左人右再)捨得啞公啞媽？ （旦）阮起頭割捨得，到只其段是無奈何。 （貼）既然障說，待簡共啞娘去。 （旦）你共我入繡房內去收拾行李、盤纏，因時起身。 （貼旦上說） 【西地錦】 三哥你聽我說起，只姻緣不是咱（賴）今世。 （生）只是咱（恁）前世夫妻結托，今即來到只。 （旦）自恨我生在別鄉里，天差你共阮相見。 （生）今願學青梅崔氏。 （旦）看古人，有隻例。 （旦）翻來覆去，未有定期。阮今一身，全怙我君主意。 （生）我今共你走返圓。 （旦）路上去，也畏人相盤問。 （生）去路上我自有主意。 （旦）恐畏林大告官來力。 （生）任伊林大富貴有錢，伊敢共我打乜官司？叫益春收拾行李（里），就今冥走離只鄉里。 （旦）君你百般那為阮，受盡辛苦受盡磨。生死不甘割捨，共君出外乞人做罵名，阮無奈何。但願當天燒香下咒＜紙＞，路上去畏乜林大。 （貼）七月十四三更時，三人同走出只鄉里。 （旦）君恁有心阮也有意。月光風靜，是好天時。 （貼）打並錢銀卜簡身邊，路上去做盤纏。 （生）捻起只衣裳，打扮卜齊整。咱（懶）今三人因勢卜行程。 （生）娘仔你頭上釵插卜端正。十四冥月光，照見咱（懶）三人形影，恁今三人惡割捨。 （貼）有心到泉州，畏乜山共嶺？打緊走來去，又畏人趕力。